Гулец мюнхенскага клуба і зборнай Англіі Гары Кейн расказаў пра незвычайную гастранамічную традыцыю, якая з’явілася ў ягоным жыцці пасля пераезду ў Германію з лонданскага «Тотэнхема».
У мінулым сезоне Кейн — адзін з галоўных на сёння прэтэндэнтаў на «Залаты мяч» — асноўную індывідуальную ўзнагароду ў свеце футболу — забіў 61 мяч за «Баварыю» ў розных турнірах. І атрымаў за гэта 61 шніцаль.
У інтэрв’ю афіцыйнаму сайту УЕФА 33‑гадовы футбаліст пажартаваў: «Мне кожны тыдзень дастаўляюць шніцалі, таму ў мяне проста няма іншага выбару, акрамя як есці іх», — пажартаваў Кейн.
Англічанін таксама прызнаўся, што за тры гады ў Мюнхене паспеў па-сапраўднаму палюбіць мясцовы лад жыцця.
️ : Harry Kane reveals he gets SCHNITZEL delivered to his house EVERY WEEK since moving to Bayern Munich!
“I get schnitzel delivered every week, so I have no choice but to eat it. And I really feel at home here.”
The English striker also revealed how much he LOVES life in Germany, spending time outdoors with his family and visiting Bavaria's lakes.
Kane added that winning the Champions League with Bayern Munich remains one of his BIGGEST goals!
«Я сапраўды пачуваюся тут як дома. У Мюнхене людзі шмат часу бавяць на свежым паветры. Мая старэйшая дачка любіць верхавую язду, таму я хаджу з ёй на стайню. А з іншымі дзецьмі гуляю ў футбол на мясцовым полі», — расказаў форвард.
Паводле слоў Кейна, ягоная сям’я таксама любіць адпачываць на берагах баварскіх азёр і бавіць час у гарах.
У гэтым сезоне, з сярэдзіны жніўня, у Гары ўжо восем мячоў за «Баварыю», прычым два ўчора ў матчы Лігі чэмпіёнаў супраць нарвежскага «Вікінга».
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца3
А што будзе, калі вярнуцца ў Беларусь? Кажуць жа, што рэпрэсіі заканчваюцца
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары