Крыніцы: Алексін хоча адабраць у рытэйла права прадаваць цыгарэты і цалкам забраць рынак, для гэтага пішацца асобны закон
Як стала вядома «Нашай Ніве», у Беларусі рыхтуецца законапраект, паводле якога ў рытэйла забяруць права зарабляць на продажы цыгарэт — гэта зможа рабіць толькі структура прыдворнага мультымільянера Аляксея Алексіна.
«Цыгарэты застануцца ў продажы ў тых жа крамах, дзе і былі. Для спажыўца нічога не зменіцца, але зменяцца бенефецыяры ад продажу — выглядае, што застанецца толькі дзяржаўная сетка і Алексін. У такім выглядзе законапраект лабіруецца Алексіным і ягонымі саюзнікамі. Магчыма, гэта аформяць проста ўказам Лукашэнкі, а можа быць — правядуць неяк іначай. Праект цяпер ходзіць па кабінетах.
У выніку, фактычна, «Энерга-Ойл» будзе арэндаваць нейкую плошчу ўнутры чужой крамы для таго, каб паставіць там паліцы з тытунёвай прадукцыяй і яе прадаваць. Той прыбытак, які раней рытэйлеры мелі ад абароту тытуню, заменіцца на слёзы ад арэнды дзесяці квадратных метраў.
Нават Тапузідзіс, у якога ёсць і вытворчасць, і рытэйл, не зможа прадаваць свае цыгарэты. Пакуль што гэта выглядае так», — сказалі нам абазнаныя ў пытанні.
Алексін вырабляе цыгарэты ў Гродне і Мінску і ўжо мае шырокую сетку па продажы тытуню ў Беларусі пад брэндам «Табакерка», (кампанія «Энерга-Ойл»). Ён фактычны бенефецыяр, хаця пасля трапляння ў санкцыйныя спісы перапісаў «Энерга-Ойл» на аднаго з сыноў — сыны трапяць у новы пакет еўрапейскіх санкцый.
Аляксей Алексін лічыцца аўтарам многіх шэрых схем, бенефецыярам якіх выступаў рэжым Лукашэнкі: ад «растваральнікаў» да кантрабанды цыгарэт.
За гэта ён трапіў пад удар заходніх санкцый, а ягоныя «Табакеркі» масава падпальвалі і пэцкалі ў ходзе падзей 2020—2021 гадоў.
«Наша Нiва» — бастыён беларушчыны
ПАДТРЫМАЦЬЧытайце таксама:
Сыны Алексіна, «Нафтан», «Белкалій», Азаронак: стала вядома, хто будзе ў шостым пакеце еўрапейскіх санкцый
На швейцарскім рахунку «кашалька Лукашэнкі» знайшлі $39 мільёнаў. Алексін: «Не чытайце!»
Цяпер чытаюць
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3434
Каментары