Меркаванні

Віктар Марціновіч: Паскудства сітуацыі ў тым, што абсалютна няма дзе падглядзець, што будзе далей

Пісьменнік Віктар Марціновіч разважае ў фэйсбуку пра адчуванне часу. «Зараз любы мір будзе кароткім перадыхам», — піша ён.

Фота: фэйсбук Віктара Марціновіча

«Паскудства сітуацыі ў тым, што абсалютна няма дзе падглядзець, што будзе далей, — рэфлексуе Віктар Марціновіч. — Мінулае не падказнік, бо таго, што адбываецца зараз, яшчэ ніколі не было ў мінулым. А калі і было, дык усё зараз навыварат, і не азірайся па адказы, глядзі наперад, у туман.

Кожны зараз у стасунках са сваім лёсам, за кожным крокам і словам — асабістая інтуіцыя, пачуццё будучыні.

А вайна працягвае пэцкаць усё смерцю, і зараз расклад 2020-га выглядае простым і зразумелым — у параўнанні з тым, пасярод чаго мы апынуліся ў 2022.

Адно, што ведаю дакладна: бойкі сканчаюцца, калі нянавісці робіцца меней. Зараз жа любы мір будзе кароткім перадыхам між Першай і Другой Чачэнскай, і Украіна — толькі пачатак, не скончыцца ўсё Украінай, гэтыя цёркі — тэктанічныя.

Чытаю «Севастопальскія апавяданні» Талстога, у школе нам казалі, што кніга пра гераізм абаронцаў Крыма, я ж у тэксце бачу толькі роспач і тугу — як у той сцэне, дзе герой наведвае ампутацыйнае аддзяленне вайсковага шпіталя, ці ў той, дзе ён выходзіць на бастыён, і камандзір, каб пакрасавацца перад афіцэрам, загадвае страляць па ворагу з гарматаў, той адказвае, і ў выніку з рэдутаў валакуць параненых і забітых.

І было б дзіўна, каб у Талстога было не так: Талстой — буйны пісьменнік, а буйныя пісьменнікі, ад Быкава з Хэмінгуэем, да Рэмарка з Грасам, ніколі не дазваляюць сабе апынуцца на баку апявальнікаў смерці.

З другога боку — каму цікава, што ты думаеш зараз?

Каму патрэбны твой гуманізм ці твае перасцярогі?

Кожны зараз сам сабе піфія.

Нехта бяжыць у JYSK, нехта па цукар, а нехта — прэч з роднага дому.

Як быццам ад гэтага можна збегчы.

Ці адкупіцца цукрам.

Ці схавацца ў шопінгу».

«СССР вярнуўся». Калі выйдзе фільм пра Купалу? Пагаварылі з яго рэжысёрам Уладзімірам Янкоўскім

Каментары

Цяпер чытаюць

Сілавікі масава затрымліваюць удзельнікаў конкурсу гомельскага трэш-блогера14

Сілавікі масава затрымліваюць удзельнікаў конкурсу гомельскага трэш-блогера

Усе навіны →
Усе навіны

У Расіі ўзарвалі чыгунку на ўчастку Пскоў-Пецярбург1

«Белтэлекам» патлумачыў, чаму былі перабоі ў працы сацсетак, анлайн-гульняў і іншых платформ

Чаму ўсё, за што бярэцца Лукашэнка, правальваецца23

Падрыхтоўка да сустрэчы Трампа і Пуціна ў Будапешце прыпыненая2

У Туркменістане цяжарная жанчына памерла, бо яе аўтамабіль не пусцілі праз картэж Бердымухамедава10

Былы кіраўнік Рэчыцы трапіў у СІЗА3

Са снежня ў Беларусі запрацуе «фінансавы маркетплэйс» з акцыямі і аблігацыямі дзяржаўных прадпрыемстваў7

У Еўропе ў адзін дзень загарэліся два НПЗ, якія атрымліваюць расійскую нафту2

У Ляхавічах пахваліліся копіяй гістарычнага замка, якая мусіць прыцягнуць турыстаў — чатыры будкі больш нагадваюць прыбіральні12

больш чытаных навін
больш лайканых навін

Сілавікі масава затрымліваюць удзельнікаў конкурсу гомельскага трэш-блогера14

Сілавікі масава затрымліваюць удзельнікаў конкурсу гомельскага трэш-блогера

Галоўнае
Усе навіны →

Заўвага:

 

 

 

 

Закрыць Паведаміць