За ўключаную песню «Перамен» пад Акрэсціна жанчыну аштрафавалі на 2880 рублёў. Суддзя прызнала песню формай пратэсту
У судзе Маскоўскага раёна Мінска 1 лютага адбыўся суд над Юліяй Харытановіч. У канцы студзеня жанчына разам з былым мужам і дзіцём знаходзіліся ў машыне каля ЦІПа на Акрэсціна. Згодна з пратаколам, яна «ўключыла песню Віктара Цоя «Перамен» з мэтай выказвання сваіх грамадска-палітычных поглядаў».
Віну жанчына не прызнала, бо сцвярджае, што песню ўключыла выпадкова, паведамляюць праваабаронцы.
Згодна з рапартам міліцыянта, сілавікі не паспелі адразу затрымаць Харытановіч, бо яна з’ехала да таго, як сілавікі прыехалі на «месца здзяйснення правапарушэння».
Да матэрыялаў справы міліцыянты далучылі і пратакол агляду YouTube са скрыншотамі відэаматэрыялаў, у назве якіх ёсць слова «Перамен», па якіх яны зрабілі вынік, што гэтая песня — сімвал пратэсту.
Суддзя Таццяна Матыль адзначыла, што спяваць або слухаць «Перамен» — значыць «выкарыстоўваць яе як форму пратэсту, што відавочна сведчыць аб выказванні канкрэтных грамадска-палітычных поглядаў альбо пратэсту».
У выніку, суддзя Матыль прызнала маці непаўналетняга дзіцяці вінаватай па арт. 24.23 КаАП (несанкцыянаванае пікетаванне) і аштрафавала яе на 2880 рублёў (90 базавых велічыняў).
-
Карпянкоў абвінаваціў апазіцыю ў «раскладанні іміджу міліцыянера як абаронцы»
-
«За ноч мы страцілі ўсё». Трагедыя знішчыла 17 гадоў працы фермераў — згарэлі каровы з цялятамі
-
Былы ваеннапалонны Буткевіч: Беларускія турмы можна параўнаць з вельмі жорсткімі ўмовамі ўтрымання ўкраінскіх палонных у Расіі
Ціханоўская пра мужа: Увесь ягоны свет перакулены22
Каментары