Мікіта Мікада распавёў, што тэма дапамогі беларускім сілавікам для яго закрыта, як і тэма беларускага IT
Вартасць PandaDoc дасягнула 1 мільярда даляраў. Навіна аб тым, што стартап з беларускімі каранямі стаў «аднарогам», з'явілася пасля таго, як у Беларусі была закрытая крымінальная справа супраць супрацоўнікаў кампаніі. Адзін з заснавальнікаў кампаніі Мікіта Мікада, які жыве цяпер у ЗША, распавёў у інтэрв'ю DW аб адтоку IT-спецыялістаў з Беларусі і перспектывах сферы высокіх тэхналогій у Беларусі пры Лукашэнку.
— Шмат супрацоўнікаў эмігравала з Беларусі. Некаторыя з іх працавалі ў нашым офісе ў Мінску, хтосьці проста з'ехаў ва Украіну ці Польшчу пасля выбараў і цяпер прыходзіць да нас на працу. Уласна, мы і юрыдычную асобу ў Польшчы адкрылі толькі таму, што туды прыехала вельмі шмат беларускіх айцішнікаў. Ва ўкраінскім офісе ў нас больш за сто чалавек. Але колькі з іх беларусаў, я, калі шчыра, цяпер не скажу. Ёсць некаторая міграцыя людзей паміж Украінай, Польшчай і Партугаліяй, — адзначыў ён.
— Сітуацыя з талентамі ў Беларусі была такой: да мінулага года ў кампаніі накшталт PandaDoc прыходзілі не толькі беларусы, але і замежнікі — з Расіі, Украіны, Казахстана. Нам удавалася прывозіць людзей у Беларусь. А цяпер гэта немагчыма. Мы назіраем адток талентаў, — рэзюмаваў спецыяліст.
Аб тым, ці атрымалася знайсці новыя таленты дзякуючы праграме дапамогі сілавікам, Мікада сказаў:
— Не думаю. Усё ж такі гэта былі не звязаныя з бізнэсам рэчы. Мая ініцыятыва з кампаніяй не была звязаная наогул ніяк. Яна закрыта, і тэма закрыта.
— Калі ў Беларусі зменіцца сітуацыя, з радасцю будзем інвеставаць у рэгіён, але пакуль што я не бачу нейкіх перспектыў, — сказаў ён.
Чытайце таксама: 500 даляраў за тэрмінал і даступнасць нават у сельскіх рэгіёнах. Чым цікавы інтэрнэт ад Ілана Маска
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак13
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары