Mikita Mikada raspavioŭ, što tema dapamohi biełaruskim siłavikam dla jaho zakryta, jak i tema biełaruskaha IT
Vartaść PandaDoc dasiahnuła 1 miljarda dalaraŭ. Navina ab tym, što startap ź biełaruskimi karaniami staŭ «adnaroham», źjaviłasia paśla taho, jak u Biełarusi była zakrytaja kryminalnaja sprava suprać supracoŭnikaŭ kampanii. Adzin z zasnavalnikaŭ kampanii Mikita Mikada, jaki žyvie ciapier u ZŠA, raspavioŭ u intervju DW ab adtoku IT-śpiecyjalistaŭ ź Biełarusi i pierśpiektyvach śfiery vysokich technałohij u Biełarusi pry Łukašenku.
— Šmat supracoŭnikaŭ emihravała ź Biełarusi. Niekatoryja ź ich pracavali ŭ našym ofisie ŭ Minsku, chtości prosta źjechaŭ va Ukrainu ci Polšču paśla vybaraŭ i ciapier prychodzić da nas na pracu. Ułasna, my i jurydyčnuju asobu ŭ Polščy adkryli tolki tamu, što tudy pryjechała vielmi šmat biełaruskich ajcišnikaŭ. Va ŭkrainskim ofisie ŭ nas bolš za sto čałaviek. Ale kolki ź ich biełarusaŭ, ja, kali ščyra, ciapier nie skažu. Jość niekatoraja mihracyja ludziej pamiž Ukrainaj, Polščaj i Partuhalijaj, — adznačyŭ jon.
— Situacyja z talentami ŭ Biełarusi była takoj: da minułaha hoda ŭ kampanii nakštałt PandaDoc prychodzili nie tolki biełarusy, ale i zamiežniki — z Rasii, Ukrainy, Kazachstana. Nam udavałasia pryvozić ludziej u Biełaruś. A ciapier heta niemahčyma. My nazirajem adtok talentaŭ, — reziumavaŭ śpiecyjalist.
Ab tym, ci atrymałasia znajści novyja talenty dziakujučy prahramie dapamohi siłavikam, Mikada skazaŭ:
— Nie dumaju. Usio ž taki heta byli nie źviazanyja ź biznesam rečy. Maja inicyjatyva z kampanijaj nie była źviazanaja naohuł nijak. Jana zakryta, i tema zakryta.
— Kali ŭ Biełarusi źmienicca situacyja, z radaściu budziem inviestavać u rehijon, ale pakul što ja nie baču niejkich pierśpiektyŭ, — skazaŭ jon.
Čytajcie taksama: 500 dalaraŭ za terminał i dastupnaść navat u sielskich rehijonach. Čym cikavy internet ad Iłana Maska
-
Falsifikacyi ŭ daśledavańniach chvaroby Alchiejmiera. Jak vyniki pryviali nie tudy
-
Biełaruskija vučonyja pachvalilisia papiarovymi kubačkami, vyrablenymi pa novaj technałohii. Takija to rabili daŭno, ale našy dadali inšaje rečyva
-
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7
Kamientary