Эксперты спадзяюцца, што ён стане часткай праграмы лячэння разам з імунатэрапіяй.
Навукоўцы пры падтрымцы праграмы Breast Cancer Now Catalyst Program вывучаюць магчымасць ужываць аспірын у лячэнні агрэсіўнай формы раку грудзей. Яны спадзяюцца, што гэты танны і папулярны прэпарат у камбінацыі з імунатэрапіяй можа дапамагчы пацыентам з тройчы негатыўным ракам грудзей.
Падчас даследаванняў навукоўцы будуць прымяняць прэпарат авелумаб у камбінацыі з аспірынам і без яго перад тым, як пацыенты пройдуць праз хіміятэрапію і хірургічнае лячэнне. Верагодна, аспірын павысіць успрымальнасць пухлін да іншых элементаў тэрапіі, піша Guardian.
Калі даследаванне пройдзе паспяхова, навукоўцы працягнуць клінічныя іспыты спалучэння авелумаба і аспірына ў барацьбе з тройчы негатыўным ракам грудзей. Гэта малараспаўсюджаная, але часта дастаткова агрэсіўная форма раку, якая больш сустракаецца ў маладых жанчын і афраамерыканак.
Такое лячэнне можа мець вялікія перспектывы, бо аспірын — танны і дужа папулярны прэпарат. Навукоўцы дапушчаюць, што ён можа павялічыць эфектыўнасць імунатэрапіі, бо пры ўжыванні аспірыну пухліна не будзе вырабляць рэчывы, якія аслабяць імунны адказ.
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў10
Каментары