Жонка гродзенскага журналіста Андрэя Пачобута Аксана падзялілася ў сваім фэйсбуку інфармацыяй пра стан мужа-палітвязня.
«Апошні ліст прыйшоў 14 чэрвеня, напісаны 8.06, дзе ён піша, што самаадчуванне пагаршаецца і збіваецца сардэчны рытм. Зараз знаходзіцца ў інфекцыйнай камеры пад наглядам. Калі паўторны тэст [на каранавірус] 29 чэрвеня будзе адмоўным, то перавядуць у звычайную камеру, дзе тым не менш каранцін будзе для яго працягвацца».
Аксана таксама паведаміла, што Андрэй прымае медыкаменты, тэмпература ў яго ў норме.
Андрэй Пачобут знаходзіцца за кратамі ад 25 сакавіка (арт. 130 — г.зв. «рэабілітацыя нацызму»).
Каментары