Франкамоўны серыял «Люпэн» выйшаў у 2021 годзе. За кароткі час ён прывабіў больш за 70 мільёнаў прыхільнікаў ва ўсім свеце.
«Мы хацелі паказаць, на што здольныя французы з пункту гледжання стварэння серыяла, але мы не чакалі такога поспеху», — кажа галоўны актор Амар Сі, вядомы сваімі ролямі ў блакбастарах «Свет Юрскага перыяду», «Трансформеры» і «Людзі Ікс: дні мінулай будучыні».
«Люпэн» уваходзіць у топ-10 серыялаў Netflix у шматлікіх краінах на гэты момант, а ў ЗША і Вялікабрытаніі заняў другую пазіцыю. Па ацэнках, за першы месяц паказу серыял дасягнуў 70 мільёнаў праглядаў. «Люпэн» арыентаваны на ўсю сям’ю, што дае яму перавагу перад такімі папулярнымі серыяламі, як «Ход каралевы» і «Брыджэртаны», піша The Guardian.
Асан Дыёп — галоўны герой серыяла, роля якога дасталася Амару Сі. Асан перажыў смерць бацькі, якога несправядліва абвінавацілі ў злачынстве. Праз 25 гадоў Асан бярэ ўдзел у крадзяжы калье французскай каралевы Марыі-Антуанеты. Каштоўнасць, выстаўленая ў Луўры, належыць багатай сям’і Пелегрыні. Асан жадае адпомсціць гэтай сям’і, якая калісьці несправядліва абвінаваціла яго бацьку ў крадзяжы.
Прататыпам Асана стаў вядомы персанаж Арсэн Люпэн, створаны Марысам Лебланам у 1905 годзе.
Складана сказаць, што менавіта ў серыяле так зачаравала гледачоў ва ўсім свеце. Але галоўны герой Амар Сі перакананы, што гэта заслуга французскага рэжысёра Луі Латэр’е. «У нас ёсць галівудскі рэжысёр, які дадае свае рысы ў французскі кінематограф і дазваляе нам распавесці гэту гісторыю менавіта такім чынам».
Луі Латэр’е вядомы сваімі камерцыйна паспяховымі блокбастарамі, сярод якіх «Бітва тытанаў», «Неймаверны Халк», «Ілюзія падману».
-
«Беларусьфільм» распачаў здымкі серыяла пра міліцыю, сцэнарый якога прабіў Кубракова на слязу
-
Былы КВЗшнік з БДУ пісаў сцэнарый для галоўнага кінакрынджу года. Нават Мінкульт дагэтуль не можа ўзгадніць гэтага пачварнага «Калабка»
-
Выйшаў трэці сезон любімага беларусамі серыяла пра шляхту — вось чым здзіўляе «1670». Там зняліся і беларусы
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары