Стоп-фэйк: праз інтэрнэт спрабавалі ўкінуць дэзу пра тое, што збіты Ціханоўскі трапіў у бальніцу
Прыхільнікі затрыманага блогера Сяргея Ціханоўскага абвінавачваюць гамельчука Яўгена Катлярова (вядомага ў сацсетках як «Евгений Какойта») у спробе запусціць фэйк.
Катляроў распаўсюджваў аўдыёзапіс, у якім сцвярджалася, што Ціханоўскі быў збіты і знаходзіцца ў бальніцы Гомеля. Нават указваўся нумар палаты — 307 ці 308.
Калі прыхільнікі блогера прыйшлі ў бальніцу, дактары сказалі, што Ціханоўскага там няма.
Чытайце. Міліцыя пракаментавала затрыманне блогера Сяргея Ціханоўскага
А пасля аказалася, што аўдыёзапісу, які распаўсюджваў Катляроў, сем месяцаў.
Катляроў вядомы тым, што ў студзені 2019 падмануў агенцтва БелаПАН. Ён паведаміў у сацсетках пра затрыманне выдуманага ўдзельніка Курапацкай вахты «Мікіты Канцавога». Рэдактар БелаПАНа паверыў яму і не стаў спраўджваць інфармацыю ў міліцыі, бо сілавікі звычайна не каментуюць падобныя выпадкі.
Калі БелаПАН апублікаваў інфармацыю, Катляроў стаў радасна расказваць, што выкрыў сутнасць незалежных СМІ.
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла3
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4040
Каментары