У Пружанскім раёне першыя 10 выпадкаў каранавіруса. Пры гэтым у раёне ўсяго 12 бактэрыяльных пнеўманій
Пра гэта паведаміў галоўны доктар Пружанскай ЦРБ Віктар Дараневіч у інтэрв'ю мясцовай газеце «Раённыя будні».
«На сёння ў раёне 10 чалавек маюць станоўчы тэст на COVID-19. Адзін з пацыентаў змешчаны ў ізаляваны бокс інфекцыйнага аддзялення райбальніцы, дзе праходзіць комплекснае лячэнне ад віруснай пнеўманіі. Пацыент пачуваецца здавальняюча і ідзе на папраўку», — расказаў Дараневіч.
У рэанімацыі пацыентаў са станоўчым тэстам на каранавірус няма, ніводны пацыент не мае патрэбы ў падключэнні да апарата ШВЛ, расказаў доктар.
9 чалавек знаходзяцца на самаізаляцыі. Яны назіраюцца дактарамі амбулаторна, бо захворванне ў іх працякае ў бессімптомнай і лёгкай форме.
Галоўны доктар адзначыў, што ў раёне ўсяго ў 12 чалавек цяпер ёсць звычайная бактэрыяльная пнеўманія. З улікам таго, што ў раёне жыве 46 тысяч чалавек, цікава параўнаць з лічбамі па Стаўбцоўскім раёне, дзе, пры насельніцтве 39 тысяч, па афіцыйных звестках, было зарэгістравана 270 пнеўманій.
Доктар расказаў, што райбальніца грунтоўна падрыхтавалася да эпідэміі. У ёй створаныя два прыёмныя пакоі — асобны для кавідных і асобны для некавідных хворых. На выпадак усплёску захворванняў бальніца здольная павялічыць колькасць ложкаў для каранавірусных хворых на 100 месцаў.
Раней «Наша Ніва» паведамляла, што бізнэс і жыхары Пружанаў на самым старце эпідэміі забяспечылі бальніцу дадатковай апаратурай, у тым ліку дарагім апаратам штучнай вентыляцыі лёгкіх.
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні9
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары