Дыскусія па беларускім пытанні ініцыяваная Нідэрландамі.
Дыскусія па беларускім пытаньні ініцыяваная Нідэрляндамі.
27‑28 сакавіка кіраўнікі замежнапалітычных ведамстваў Эўразьвязу правядуць нефармальную сустрэчу ў замку Глубока над Влтавай у Паўднёвай Чэхіі, доме продкаў Карэла Шварцэнбэрга.
Нефармальныя перамовы, на якіх разглядаюцца актуальныя ды далікатныя пытаньні, дыпляматы называюць «гімных». У гонар нямецкага замку Gymnich пад Бонам, дзе ў 1970‑я адбылася першая неафіцыйная сустрэча высокіх дыпляматаў ЭЗ.
Сёньня на размова пойдзе пра сытуацыю на Блізкім Усходзе і дачыненьні зь Беларусьсю.
Дыскусія па беларускім пытаньні ініцыяваная Нідэрляндамі, паведамляюць эўрапейскія СМІ. Кіраўнік нідэрляндзкага МЗС Максім Фэрхагэн неаднойчы выступаў за ўзмацненьне санкцыяў у дачыненьні да беларускіх уладаў.Фэрхагэн выказаўся супраць візавага мараторыя для прэзыдэнта Аляксандра Лукашэнкі і высокіх беларускіх чыноўнікаў яшчэ на 9 месяцаў у часе апошняй сустрэчы міністраў ЭЗ у Брусэлі, на якім вырашалася пытаньне іх працягу.
Паводле Максіма Фэрхагэна, далучэньне Беларусі да праграмы «Ўсходняе партнэрства» не выключае ўдзелу Лукашэнкі на травеньскім саміце ЭЗ. У выніку многія эўрапейскія лідэры могуць трапіць у няёмкае становішча. Яны будуць вымушаныя паціснуць руку чалавеку, якога лічаць «апошнім эўрапейскім дыктатарам». Складанасьць сытуацыі ў тым, што ЭЗ усё ж гатовы да набліжэньня зь Менскам, што і прадэманстравалі апошнія сакавіцкія сустрэчы ЭЗ на вышэйшым узроўні.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары