Па Беларусі будзе вандраваць літаратурны аўтобус — першы прыпынак у Гальшанах з Альгердам Бахарэвічам
Мінская «Кнігарня Логвінаў» памяняла фармат працы і выправілася ў шырокі свет. З гэтай восені пачаўся маштабны праект «Вандроўная кнігарня». Кнігарня прыўлашчыла сучасную традыцыю перасоўных бібліятэк, у якой літаратура і чытанне ёсць не толькі арганічным складнікам асабістага досведу, але і жыццёвым элементам грамадскага жыцця краіны. Логвінаўскія кнігары, прыхапіўшы кніжкі і аўтараў, плануюць у найбліжэйшыя колькі гадоў на чатырох колах аб’ездзіць усю Беларусь: яе гарады, мястэчкі і вёскі.
Першы наш візіт — у Гальшаны з яго самым літаратурным замкам Беларусі, які ўжо даўно не чорны.
Такім чынам, субота, 5 кастрычніка, Гальшаны
13.00 Фотасесія дызайнерскага кнігабуса і яго пасажыраў на руінах Гальшанскага замка. Далучайцеся на сэлфі і экскурсію па кнігабусу!
14.00 — 16.30 Праграма «Вандроўнай кнігарні» (Замкавая 8)
14.10 Расповед пра сучасную беларускую літаратуру і яе прэміі з прадстаўніцай Рэспубліканскай грамадскай арганізацыі ПЭН-Цэнтр Ліляй Ільюшынай.
14.30 Сустрэча з Альгердам Бахарэвічам і прадстаўленне яго кнігі «Мае дзевяностыя».
15.00 «Навошта нам Гальшанскі Замак?», дыскусія з рэстаўратарам Ігарам Раханскім і пісьменніцай Ліляй Ільюшынай.
15.45 Майстар-клас па крэатыўным пісьме з Альгердам Бахарэвічам.
А таксама — гутарка з гасцямі ў нефармальнай абстаноўцы, бясплатны буфет, праца вандроўнай кнігарні, знаёмства з навінкамі сучаснай літаратуры.
Цяпер чытаюць
Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам33
Каментары