Pa Biełarusi budzie vandravać litaraturny aŭtobus — pieršy prypynak u Halšanach z Alhierdam Bacharevičam
Minskaja «Kniharnia Łohvinaŭ» pamianiała farmat pracy i vypraviłasia ŭ šyroki śviet. Z hetaj vosieni pačaŭsia maštabny prajekt «Vandroŭnaja kniharnia». Kniharnia pryŭłaščyła sučasnuju tradycyju pierasoŭnych biblijatek, u jakoj litaratura i čytańnie jość nie tolki arhaničnym składnikam asabistaha dośviedu, ale i žyćciovym elemientam hramadskaha žyćcia krainy. Łohvinaŭskija knihary, prychapiŭšy knižki i aŭtaraŭ, płanujuć u najbližejšyja kolki hadoŭ na čatyroch kołach abjeździć usiu Biełaruś: jaje harady, miastečki i vioski.
Pieršy naš vizit — u Halšany ź jaho samym litaraturnym zamkam Biełarusi, jaki ŭžo daŭno nie čorny.
Takim čynam, subota, 5 kastryčnika, Halšany
13.00 Fotasiesija dyzajnierskaha knihabusa i jaho pasažyraŭ na ruinach Halšanskaha zamka. Dałučajciesia na sełfi i ekskursiju pa knihabusu!
14.00 — 16.30 Prahrama «Vandroŭnaj kniharni» (Zamkavaja 8)
14.10 Raspovied pra sučasnuju biełaruskuju litaraturu i jaje premii z pradstaŭnicaj Respublikanskaj hramadskaj arhanizacyi PEN-Centr Lilaj Iljušynaj.
14.30 Sustreča z Alhierdam Bacharevičam i pradstaŭleńnie jaho knihi «Maje dzievianostyja».
15.00 «Navošta nam Halšanski Zamak?», dyskusija z restaŭrataram Iharam Rachanskim i piśmieńnicaj Lilaj Iljušynaj.
15.45 Majstar-kłas pa kreatyŭnym piśmie z Alhierdam Bacharevičam.
A taksama — hutarka z haściami ŭ niefarmalnaj abstanoŭcy, biaspłatny bufiet, praca vandroŭnaj kniharni, znajomstva z navinkami sučasnaj litaratury.
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ99
Kamientary