Былы міністр абароны Грузіі Дзмітрый Шашкін дзеліцца некаторым дэталямі расійска-грузінскай вайны 2008 года і ўказвае на канкрэтныя крокі, зробленыя тады Злучанымі Штатамі Амерыкі.
«Ніколі б не падумаў, што пасля 2008 года ў Грузіі будуць людзі, якія публічна будуць спрабаваць апраўдаць Расію за гэтую вайну. Але, праўду кажуць: ніколі не кажы ніколі. З разумнымі тварамі гэтыя ўблюдкі прапаведуюць, што аказваецца Расія праявіла добрую волю і ў 2008 годзе не ўзяла Тбілісі, і за гэта, аказваецца, мы ёй павінны быць ўдзячныя.
Расію спыніла грузінская армія, міжнародная падтрымка і канкрэтныя крокі ЗША.
Многія не ведаюць, што наша брыгада, якая знаходзілася ў Іраку, вярнулася ў Тбілісі на амерыканскіх самалётах, што ва ўмовах вайны было прамой ваеннай падтрымкай з боку ЗША.
Многія не ведаюць, што Тбіліскі аэрапорт Расія не змагла бамбаваць таму, што на ўзлётных палосах стаялі амерыканскія «Геркулесы» (грузавыя самалёты)
Многія не ведаюць, што флагман 5-га флоту, які ўвайшоў у Чорнае мора, сваімі радарамі кантраляваў паветраную прастору Тбілісі-Масква-Валгаград і яго ваенны патэнцыял у 8 разоў перавышаў патэнцыял Чарнаморскага флоту Расіі.
Многія не ведаюць, што «Геркулесы», якія вылецелі з Іарданіі 14 жніўня, суправаджаліся знішчальнікамі.
Многія не ведаюць, што фраза камандуючага знішчальнікамі пра тое, што любая актыўнасць расійскіх самалётаў у грузінскім небе будзе ўспрынятая як напад на ЗША, зачыніла паветраную прастору Грузіі для расійскіх самалётаў.
Многія не ведаюць, што «гуманітарнай місіяй ЗША ў Грузіі» афіцыйна камандаваў міністр абароны ЗША Гейтс.
У той жа час многія не ведаюць, што на ўварванне ў Грузію і забойства грузінаў расійскую армію блаславіў патрыярх «адзінавернай» краіны…», — піша Дзмітрый Шашкін.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі9
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары