Były ministr abarony Hruzii Dźmitryj Šaškin dzielicca niekatorym detalami rasijska-hruzinskaj vajny 2008 hoda i ŭkazvaje na kankretnyja kroki, zroblenyja tady Złučanymi Štatami Amieryki.
«Nikoli b nie padumaŭ, što paśla 2008 hoda ŭ Hruzii buduć ludzi, jakija publična buduć sprabavać apraŭdać Rasiju za hetuju vajnu. Ale, praŭdu kažuć: nikoli nie kažy nikoli. Z razumnymi tvarami hetyja ŭbludki prapaviedujuć, što akazvajecca Rasija prajaviła dobruju volu i ŭ 2008 hodzie nie ŭziała Tbilisi, i za heta, akazvajecca, my joj pavinny być ŭdziačnyja.
Rasiju spyniła hruzinskaja armija, mižnarodnaja padtrymka i kankretnyja kroki ZŠA.
Mnohija nie viedajuć, što naša bryhada, jakaja znachodziłasia ŭ Iraku, viarnułasia ŭ Tbilisi na amierykanskich samalotach, što va ŭmovach vajny było pramoj vajennaj padtrymkaj z boku ZŠA.
Mnohija nie viedajuć, što Tbiliski aeraport Rasija nie zmahła bambavać tamu, što na ŭźlotnych pałosach stajali amierykanskija «Hierkulesy» (hruzavyja samaloty)
Mnohija nie viedajuć, što fłahman 5-ha fłotu, jaki ŭvajšoŭ u Čornaje mora, svaimi radarami kantralavaŭ pavietranuju prastoru Tbilisi-Maskva-Vałhahrad i jaho vajenny patencyjał u 8 razoŭ pieravyšaŭ patencyjał Čarnamorskaha fłotu Rasii.
Mnohija nie viedajuć, što «Hierkulesy», jakija vylecieli ź Iardanii 14 žniŭnia, supravadžalisia źniščalnikami.
Mnohija nie viedajuć, što fraza kamandujučaha źniščalnikami pra toje, što lubaja aktyŭnaść rasijskich samalotaŭ u hruzinskim niebie budzie ŭspryniataja jak napad na ZŠA, začyniła pavietranuju prastoru Hruzii dla rasijskich samalotaŭ.
Mnohija nie viedajuć, što «humanitarnaj misijaj ZŠA ŭ Hruzii» aficyjna kamandavaŭ ministr abarony ZŠA Hiejts.
U toj ža čas mnohija nie viedajuć, što na ŭvarvańnie ŭ Hruziju i zabojstva hruzinaŭ rasijskuju armiju błasłaviŭ patryjarch «adzinaviernaj» krainy…», — piša Dźmitryj Šaškin.
-
Piać mietraŭ asmanskaj viazi. U Varšavie pakazali ŭnikalny mirny traktat, za jaki svaim žyćciom zapłaciŭ najvialikšy vajskavod VKŁ Jan Karal Chadkievič
-
Jak kamunisty całkam źniščyli 700‑hadovy horad Most dziela vuhalu. Histaryčnyja kvartały pradavali Halivudu pad zdymki realnych vybuchaŭ
-
Turaŭskija kamiennyja kryžy, jakija nibyta prypłyli z Kijeva, mabyć, pastavili pry Kanstancinie Astrožskim
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe20
Kamientary