MUS Hiermanii paviedamiła pra vykarystańnie Rasijaj arhanizavanych złačynnych hrupovak dla ździajśnieńnia zabojstvaŭ
Kreml kantraluje rasijskuju arhanizavanuju złačynnaść i ŭsio čaściej źviartajecca da jaje pasłuh dla praviadzieńnia dyviersij i zabojstvaŭ, paviedamiła niamieckaje Fiederalnaje ministerstva ŭnutranych spraŭ.
Takaja acenka źmieščana ŭ adkazie viedamstva na parłamiencki zapyt Partyi zialonych Hiermanii, kopiju jakoha atrymała vydańnie Spiegel, piša «Ahienctva».
Pavodle niamieckaha viedamstva, upłyvu Kramla, vierahodna, nie zmohuć paźbiehnuć i hrupoŭki ź inšych krain byłoha SSSR, jakija ŭ Hiermanii nazyvajuć rasijska-jeŭrazijskaj arhanizavanaj złačynnaściu. Takija struktury, jak miarkujecca, vymušanyja supracoŭničać z rasijskimi ŭładami ŭ abmien na talerantnaść da ich dziejnaści z boku dziaržaŭnych orhanaŭ Rasii.
Pavodle acenak urada Hiermanii, isnujuć prykmiety suviaziaŭ z Kramlom u hrupovak vychadcaŭ z byłoha SSSR, jakija aktyŭnyja ŭ Hiermanii.
Pryciahnieńnie kryminalnych elemientaŭ dazvalaje Maskvie admaŭlać svaju datyčnaść da supraćpraŭnych dziejańniaŭ.
U adkazie ministerstva adznačajecca, što niamieckija ŭłady zafiksavali vialikuju kolkaść padziej, jakija mahli być dyviersijnymi apieracyjami Maskvy. Adnak u bolšaści vypadkaŭ dakazać pryčynnaść Rasii nie ŭdavałasia.
Taksama, pavodle acenak urada Hiermanii, Rasija ŭsio čaściej vykarystoŭvaje dla dyviersij ludziej, zavierbavanych u internecie biez prafiesijnaj padrychtoŭki.
Heta nie pieršy vypadak apošnim časam, kali niamieckija pravaachoŭnyja orhany havorać pra supracoŭnictva rasijskich śpiecsłužbaŭ z arhanizavanaj złačynnaściu. U krasaviku viadučy śledčy Dziaržaŭnaha kiravańnia kryminalnaj palicyi Hiermanii na sudzie ŭ Frankfurcie-na-Majnie patłumačyŭ umoŭna-daterminovaje vyzvaleńnie adnaho ź viadomych rasijskich «złodziejaŭ u zakonie» Šakra Maładoha (Zacharyja Kałašova) jaho damovaj z FSB, MUS i «Vahnieram».
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary
Złačynnaść , ú tym taja z 80 ch 90 ch , jakuju hebucha kantralavała úsiu .
Úsio heta kramloúskaja śpiecyjalnaść .
Ab hetym kažuć pierabiežčyki z k h b .