Irancam masava rassyłajuć SMS z papiaredžańniami nie ŭdzielničać u pratestach
Paviedamleńni adpraŭlajucca z pačatku vajny.
Piersidskaja słužba Bi-Bi-Si vyvučyła niekalki skrynšotaŭ masavych tekstavych rassyłak, jakija adpraŭlajucca žycharam Irana z 28 lutaha, kali pačałasia vajna.
Źmiest paviedamleńniaŭ adroźnivajecca, ale ŭklučaje papiaredžańni ab niedapuščalnaści ŭdziełu ŭ lubych pratestach i zakliki abjadnacca suprać «voraha».
Tak, u adnym z paviedamleńniaŭ havaryłasia nastupnaje: «U suviazi z płanami voraha spravakavać vuličnyja biesparadki… luby ruch, jaki parušaje režym biaśpieki, budzie rasceńvacca jak prykład pramoha supracoŭnictva z voraham!».
Mužčyna z Kieredža, što niedaloka ad Tehierana, raspaviadaje pra heta tak: «Ja nie tak časta hladžu dziaržaŭnaje telebačańnie, a kali hladžu, tam zaŭsiody čuju adno i toje ž. I samaje horšaje — hetyja numary niemahčyma zabłakavać, kab nie atrymlivać ad ich SMS».
Naprykancy śniežnia — na pačatku studzienia ŭ Iranie adbyłasia chvala masavych antyŭradavych vystupleńniaŭ, jakaja była padaŭlena siłaj.
Dva dni tamu pa dziaržaŭnym telebačańni vystupiŭ kiraŭnik iranskaj palicyi Achmadreza Radan i zajaviŭ, što tyja, chto pratestuje suprać ułady, «vykonvajuć volu voraha» i sami buduć razhladacca jak vorahi.
Hetyja zajavy prahučali paśla zakliku premjer-ministra Izraila Bińjamina Nietańjachu da paŭstańnia iranskaha naroda.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?19
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary