U parku horada Višniovaje pad Kijevam pry ŭdziele pradstaŭnikoŭ Hałoŭnaha ŭpraŭleńnia raźviedki Minabarony Ukrainy adbyłosia adkryćcio pomnika lehiendarnamu bieśpiłotniku-bambardziroŭščyku «Baba Jaha», piša RBK-Ukraina.
Skulptura pryśviečana lehiendarnamu ciažkamu dronu-bambardziroŭščyku (BPŁA Heavy Shot), druhaja nazva jakoha — pramaja adsyłka da taho, jak ukrainskuju zbroju ŭsprymaje vorah, — «Baba Jaha». Hetyja drony stali sapraŭdnym žacham dla rasijskich vojskaŭ.
«My ŭpeŭnieny: kali dron zachavaje choć adno žyćcio abaroncy na pieradavoj, heta značyć, što my ŭžo zrabili niešta nie daremna, i heta ŭžo budzie dasiahnieńniem. Heta nie apošniaja dapamoha — my budziem i dalej dapamahać Uzbrojenym siłam i rabić usio, što ad nas zaležyć. I, viadoma, kab vajna skončyłasia jak maha chutčej našaj pieramohaj», — skazaŭ haradski hałava Illa Dzikaŭ.
Inicyjavaŭ stvareńnie niezvyčajnaha pomnika, jaki simvalizuje technałahičnuju pieravahu Ukrainy na froncie, vałancior, miecenat i błohier Ihar Amielanovič.
«Nasamreč vorahi tak nazyvajuć luby vialiki dron takoha pamieru. Jany zaŭsiody kryčali: «Baba Jaha lacić», i zaŭsiody chavalisia ŭ schoviščy, bo heta sapraŭdy navodziła na ich žach. Jany sprabujuć paŭtaryć hetuju technałohiju, ale ŭ ich nie atrymlivajecca», — kaža vałancior
BPŁA Heavy Shot zdolny dastaŭlać 30 kh «padarunkaŭ» vorahu abo nieabchodny pravijant svaim na adlehłaść da 25 km. Jon stvorany dla realnaj vajny, dzie panujuć REB, abstreły i niepahadź.
Hałoŭnyja pieravahi — imhniennaja adaptacyja pad luby typ bojeprypasu abo abstalavańnia: adzin dron — dziasiatki scenaryjaŭ vykarystańnia. Taksama jon maje ŭzmocnienuju abaronu elektroniki i korpusa, što dazvalaje viartacca ź misij navat paśla ahniavoha kantaktu.
«My ŭdziačnyja — dla nas heta honar, što mienavita hety bort budzie stajać tut, i ludzi buduć jaho bačyć. Mienavita dziakujučy takoj technicy našy Siły abarony mohuć štodnia zmahacca z voraham. Heta pratatyp borta 2023 hoda, užo niepracoŭny, tut tolki korpus. Na toj čas heta byŭ adzin z najbujniejšych bortaŭ u Siłach abarony, jaki nios najbolšuju vahu. Mienavita jaho my siońnia vyrašyli ŭviekaviečyć tut», — adznačaje pradstaŭnica vytvorcy Heavy Shot Kaciaryna.
Ciapier čytajuć
Polski dypłamat raskazaŭ, jak pryvoziŭ Kolu multfilmy na dyskach i kim dla siamji Łukašenkaŭ byŭ Makiej4
Kamientary