Vynieśli prysud 41‑hadovamu raniej nieadnarazova sudzimamu žycharu Minska, jakoha abvinavačvali ŭ kradziažy, raskazali ahienctvu «Minsk-Naviny» ŭ prakuratury Partyzanskaha rajona.
U abied abvinavačany razam z žonkaj zajšoŭ u kramu. Pakul žančyna vybirała napoj, jaje muž, pierakanaŭšysia, što za im nichto nie naziraje, staŭ brać sa stełaža ŭpakoŭki z kavaj i składać u sumku, paśla čaho bieśpieraškodna pakinuŭ handlovy punkt. Usiaho jon vykraŭ vosiem pačkaŭ kavy na ahulnuju sumu amal 450 rubloŭ, jakija paźniej pradaŭ.
Asobu złamyśnika ŭstanavili pa zapisach kamier videanazirańnia, u dačynieńni da jaho raspačali čarhovuju kryminalnuju spravu. Vinu jon całkam pryznaŭ, u zroblenym raskajaŭsia. Viadoma, što ŭ momant učynieńnia złačynstva jon znachodziŭsia ŭ stanie, vyklikanym spažyvańniem narkatyčnych srodkaŭ.
Raniej abvinavačany, jaki pracuje padsobnym rabočym u pryvatnaj kampanii, čatyry razy pryciahvaŭsia da kryminalnaj adkaznaści, u tym liku za kradziažy.
Ciapier sud pryznaŭ jaho vinavatym u tajnym vykradańni majomaści (kradziažy), učynienym paŭtorna, i na padstavie č. 2 art. 205 KK pryznačyŭ pakarańnie ŭ vyhladzie abmiežavańnia voli biez nakiravańnia ŭ papraŭčuju ŭstanovu adkrytaha typu na termin 1 hod 6 miesiacaŭ. Akramia taho, hramadzianin pavinien prajści prymusovaje lačeńnie ad narkamanii.
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary