U Vilni pieravozčyki zładzili cichuju akcyju ŭ suviazi z błakavańniem litoŭskich fur u Biełarusi
U Vilni na kalcy praśpiekta Kanstytucyi sabralisia litoŭskija pieravozčyki, kab «cicha» źviarnuć uvahu na svaje prablemy, paviedamlaje Delfi.lt.
Ranicaj 15 listapada na stajanku pryjechali hruzavyja ciahačy. Udzielniki akcyi padkreślili, što heta nie pratest i nie mitynh, a «cichi žałobny schod» z kavaj i piečyvam. Jany, maŭlaŭ, nie pradstaŭlajuć nijakaj aficyjnaj arhanizacyi, ale «bolš nie mohuć maŭčać». Meta — pryciahnuć uvahu da litoŭskich fur, što «zachraśli» ŭ Biełarusi, i pakazać, što biznesu patrebna padtrymka dziaržavy.
Adzin z kiroŭcaŭ skazaŭ, što ich mašyny zastalisia biez pracy i biez pryčepaŭ, tamu jany vyrašyli prosta sabracca razam — «jak fłešmob». Jon taksama adznačyŭ, što ad aficyjnych arhanizacyj siektara, u tym liku ad asacyjacyi litoŭskich pieravozčykaŭ Linava, čakać dapamohi biessensoŭna: častka jaje kiraŭnictva, na jaho dumku, bolš zajmajecca palitykaj, čym prablemami małoha biznesu.
Inšy pieravozčyk nazvaŭ sustreču «žałobnym schodam adnadumcaŭ»: nastali ciažkija časy dla ŭsich, chto pracavaŭ z Uschodam i krainami Centralnaj Azii. Jon vykazaŭ zaniepakojenaść tym, što Polšča adkryvaje svaje punkty propusku, a heta, na jaho dumku, moža «adrezać» krainy Bałtyi ad uschodniaha kirunku ŭ łahistycy. Pieravozčyki prosiać ułady viarnucca da «zdarovaha sensu» i padtrymlivać ekanomiku: jany padkreślivajuć, što nie majuć dačynieńnia da kryzisu ź mieteazondami i prosta chočuć pracavać.
Asacyjacyja Linava ŭ aficyjnym kamientary patłumačyła, što nie maje dačynieńnia da hetaha «kava-schodu». Jana razumieje emocyi pieravozčykaŭ, ale zaklikaje ich da spakoju i aściarožnaści, kab nie pahoršyć situacyju. Na dumku kiraŭnictva najbujniešaj arhanizacyi litoŭskich pieravozčykaŭ, rašeńni treba šukać praź pieramovy i kaardynavanyja dziejańni, a nie praz stychijnyja akcyi. U Linava kažuć, što razam ź dziaržorhanami i dypsłužbami šukajuć vychad: viartańnie fur ź Biełarusi, minimizacyja strat i adnaŭleńnie biaśpiečnaj pracy kampanij.
Raniej paviedamlałasia, što Linava admoviłasia arhanizoŭvać pratest u suviazi z tym, što kala tysiačy litoŭskich hruzavikoŭ zastajucca na terytoryi Biełarusi paśla taho, jak ułady Litvy na miesiac zakryli apošnija dva punkty propusku z-za prablem z pavietranaj kantrabandaj, jakaja pieraškadžała pracy vilenskaha aeraporta.
Čerhaŭ na miažy ciapier nie budzie? Čaho čakać ad adkryćcia «Bruzhoŭ» i «Bierastavicy»
Uładzisłaŭ Kandratovič: «Łukašenka ź litoŭskimi furami abyšoŭsia jak rekiecir»
Biełaruś pahražaje štrafami kiroŭcam, jakija nie pierahnali litoŭskija fury na stajanki
Naŭsieda zajaviŭ pra hatoŭnaść da pieramoŭ ź Biełaruśsiu, ale tolki na techničnym uzroŭni
Staršynia asacyjacyi litoŭskich pieravozčykaŭ nazvaŭ Biełaruś «terarystyčnaj dziaržavaj»
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki24
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1616
Kamientary
Vicis Jurkonis, pavučalnik ty naš, navučy svaich suajčyńnikaŭ macniej zmahacca!