Naŭsieda zajaviŭ pra hatoŭnaść da pieramoŭ ź Biełaruśsiu, ale tolki na techničnym uzroŭni
Prezident Litvy Hitanas Naŭsieda razumieje abureńnie pieravozčykaŭ, čyje fury zachraśli ŭ Biełarusi, adnak padkreślivaje, što Litva zaraz padviarhajecca hibrydnaj atacy z boku susiedniaj krainy, a tamu ŭrad nie moža prosta nazirać za padziejami. Jon taksama paviedamiŭ, što Litva hatova vieści techničnyja pieramovy ź Biełaruśsiu dla kompleksnaha vyrašeńnia prablem, i ličyć, što deeskałacyja jašče mahčymaja, paviedamlaje LRT.
Prezident Litvy adznačyŭ, što prablemy kantrabandy ŭ rehijonie isnujuć užo daŭno i Biełaruś nie prajaŭlaje zacikaŭlenaści ŭ ich vyrašeńni. Pavodle jaho, kantrabandnyja pavietranyja šary z cyharetami nie tolki parušajuć litoŭskuju pavietranuju prastoru, ale i mohuć być karysnyja dla režymu Łukašenki.
Naŭsieda pry hetym krytykuje prapanovu Minska vieści pieramovy na ŭzroŭni dypłamataŭ zamiest techničnych kantaktaŭ — heta, na jaho dumku, vyhadna tolki Łukašenku.
«Ja miarkuju, što havorka idzie ab žadańni pahavaryć pra admienu sankcyj — rečy, jakija, biezumoŭna, byli b smačnymi, dobrymi «prysmakami» dla Łukašenki», — skazaŭ prezident Litvy.
Z-za kantrabandnych šaroŭ, jakija pieraškadžali pracy aeraportaŭ, urad Litvy zakryŭ na miesiac pamiežnyja punkty ź Biełaruśsiu da 30 listapada, u vyniku čaho ŭ krainie zastałosia kala tysiačy litoŭskich fur. Pieravozčyki papiaredzili pra mahčymyja pratesty ŭ Litvie i Brusieli, kali prablema nie budzie vyrašanaja.
Premjer-ministarka Litvy Inha Ruhinienie padkreśliła, što ŭrad zasyłaŭ dastatkova sihnałaŭ adnosna mahčymaha zakryćcia miažy i pieravozčyki mahli acanić ryzyku.
Ruhinienie: Nam udajecca kantralavać nie tolki kantrabandu, ale i sami šary
Staršynia asacyjacyi litoŭskich pieravozčykaŭ nazvaŭ Biełaruś «terarystyčnaj dziaržavaj»
Ryžankoŭ zajaviŭ, što Biełaruś vystupaje za jak maha chutčejšaje adnaŭleńnie narmalnaha funkcyjanavańnia miažy ź Litvoj
Daradca premjera Litvy: Biełaruś admoviłasia adkryvać evakuacyjnyja kalidory dla litoŭskich fur
Ryžankoŭ: My hatovyja da pieramovaŭ u luby momant, na luboj terytoryi i biez papiarednich umoŭ
Kamientary
#####################
Šary mohut byť karysnyje dla letuviskoho riežima ruvniež. A mohut byť karysnyje dla dvuch storon. Sobstvienno lijetuvcy zarabatyvajut na siharietach takžie kak łukašisty. Bieź sieti sbyta sihariet v Letuvie i ES etot biźnies nie imieł pierśpiektiv. Tak čto zajmitieś, tovariŝ Nausieda, vašimi kontrabandistami dla načała. Vvieditie uhołovnoje nakazanije zamieniv administrativku.