Ministr unutranych spraŭ Litvy prapanavaŭ pieravozčykam pratestavać u Biełarusi
Pakul Asacyjacyja aŭtapieravozčykaŭ Litvy Linava razhladaje mahčymaść praviadzieńnia akcyj pratestu ŭ Litvie i Brusieli, ministr unutranych spraŭ Litvy Uładzisłaŭ Kandratovič ličyć, što bolš łahičnym krokam było b pravieści ich u Biełarusi, jakaja nie vypuskaje fury, piša LRT.
«Biełaruś zakryvaje, ale pratestujem u Litvie. Ja dumaju, jany mahli b pratestavać i ŭ Biełarusi. Heta nie my ich nie vypuskajem, a biełarusy nie vypuskajuć, tamu pratestavać tam było b dla ich łahičnym i pravilnym krokam. (…) Viadoma, ja, mahčyma, krychu pierabolšvaju, ale adnačasova treba hladzieć na ŭsie prablemy. Nielha zabyvać, što heta našy litoŭskija pradpryjemstvy, i my pavinny prasačyć, kab jany viarnuli svaju majomaść — fury i paŭpryčepy», — zajaviŭ U. Kandratovič žurnalistam u sieradu.
Kažučy pra ciapierašniuju situacyju, jon adznačyŭ, što Litva mahła b prapanavać Biełarusi arhanizavać sustreču pamiežnikaŭ abiedźviuch krain, pakolki, pavodle słoŭ U. Kandratoviča, z boku dziaržavy, jakaja ažyćciaŭlaje hibrydnuju ataku, prykmietnyja bolš stanoŭčyja sihnały.
«Jany (Biełaruś) kažuć, što prapanujuć sustrecca i pahavaryć pra heta (pra adkryćcio evakuacyjnaha kalidora na miažy Litvy i Biełarusi). My z našaha boku ličym, što ŭ nas taksama jość peŭnyja šlachi, jakimi my možam pasprabavać urehulavać situacyju na niepalityčnym uzroŭni — mahčyma, my prapanujem sustreču na ŭzroŭni pamiežnikaŭ dla abmierkavańnia hetych pytańniaŭ. Što datyčycca miažy, to, padajecca, my ŭžo bačym peŭnyja ruchi z boku Biełarusi», — zapeŭniŭ kiraŭnik MUS.
U adkaz na situacyju z kantrabandnymi mieteazondami, z-za jakich uźnikajuć zboi ŭ pracy Vilenskaha aeraporta, urad Litvy niekalki tydniaŭ tamu pryniaŭ rašeńnie zakryć na miesiac, da paŭnočy 30 listapada, apošnija punkty propusku na miažy ź Biełaruśsiu — «Miedniki» i «Salečniki». Ruch praz punkt propusku «Salečniki» poŭnaściu prypynieny, a dziejnaść punkta propusku «Miedniki» abmiežavana ź niekatorymi vyklučeńniami.
Daradca premjera Litvy: Biełaruś admoviłasia adkryvać evakuacyjnyja kalidory dla litoŭskich fur
Premjer Litvy pra fury ŭ Biełarusi: Biznes pavinien byŭ da hetaha padrychtavacca
Litoŭskija pieravozčyki narakajuć na hihanckija vypłaty, jakija ź ich ździerli ŭ Biełarusi
Kolki litoŭskich fur zabłakavana ŭ Biełarusi i jakaja cana pytańnia
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca16
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary
Pa mierkavańni letuviskaha boku Łukašenka asabista kantraluje biełaruskich kantrabandystaŭ, jakija zapuskajuć šary ŭ bok letuviskich kantrabandystaŭ.
Ale pry hetym letuvisy ličać, što Łukašenka nie kantraluje pamiežnikaŭ, i tamu možna damovicca ź biełaruskimi pamiežnikami biez Łukašenki.
U čym prablema? 1 śniežnia adčyniać miažu i ŭsie pajeduć kamu kudy treba. Užo amal pałova miesiaca minuła, zastałosia trochi pačakać.