Litoŭskija pieravozčyki narakajuć na hihanckija vypłaty, jakija ź ich ździerli ŭ Biełarusi
Namieśnik prezidenta Litoŭskaj asacyjacyi aŭtapieravozčykaŭ Linava Aleh Tarasaŭ u kamientary dla Deutsche Welle paviedamiŭ, što rabota pieravozčykaŭ ciapier amal paralizavanaja.
Pavodle słoŭ Aleha Tarasava, u Biełarusi ciapier zachraśli kala 4,5 tysiačy transpartnych srodkaŭ — prykładna ad 1,5 da 2 tysiač hruzavikoŭ i kala troch tysiač paŭpryčepaŭ. U furach znachodziacca roznyja hruzy — pradukty, leki, adzieńnie, pramysłovaja pradukcyja; jość i pustyja mašyny. Što budzie z hetymi tavarami, pakul nieviadoma.
Biełaruskija mytniki, jak raniej paviedamlałasia, nakiravali kala 1100 hruzavikoŭ na płatnyja śpiecstajanki pobač z punktami propusku, dzie košt składaje 120 jeŭra ŭ sutki za adzin aŭtamabil.
Aleh Tarasaŭ adznačyŭ, što kali situacyja nie vyrašycca da 30 listapada, heta stanie katastrofaj dla pieravozčykaŭ.
Jon dadaŭ, što tolki za minuły tydzień litoŭskija kampanii zapłacili kala 5 miljonaŭ jeŭra ŭ biudžet Biełarusi, choć, pavodle jaho słoŭ, hetyja hrošy jany nie pavinny byli płacić.
Kolki litoŭskich fur zabłakavana ŭ Biełarusi i jakaja cana pytańnia
Prezident litoŭskaj «Linava» pra situacyju z dalbojščykami ŭ Biełarusi: Pieravozčyki złyja, nie vyklučajuć mahčymaści błakavać darohi ŭ Litvie
Litva vyrašyła jašče raz źviarnucca da biełaruskich uładaŭ nakont pytańnia svaich furaŭ
U Litvie papiaredzili, što mohuć praciahnuć termin zakryćcia miažy
Ejsmant pra pieramovy ź Litvoj: My hatovyja da ŭsiaho
Kamientary
Škada pradprymalnikaŭ.