Prezident litoŭskaj «Linava» pra situacyju z dalbojščykami ŭ Biełarusi: Pieravozčyki złyja, nie vyklučajuć mahčymaści błakavać darohi ŭ Litvie
Pakolki Biełaruś nie vypuskaje pryblizna tysiaču zatrymanych tam litoŭskich hruzavikoŭ, prezident Nacyjanalnaj asacyjacyi aŭtapieravozčykaŭ «Linava» zajaviŭ, što nie vyklučaje, što tyja kiroŭcy, jakija zastalisia ŭ Litvie, mohuć zabłakavać darohi, paviedamlaje LRT.
Erłandas Mikienas kaža, što asacyjacyja nie imkniecca źviartacca da krajnich mier, adnak, pavodle jaho słoŭ, pieravozčyki złyja, i rašeńnie pra heta budzie pryniata ŭ sieradu na źjeździe.
«Heta rašeńnie nie zaležyć ad mianie, zaŭtra ŭ nas adbudziecca ahulny schod členaŭ — kanhres, i my adčuvajem nastroj pieravozčykaŭ. Jość prapanovy nakont błakiroŭki daroh i padobnych akcyj», — skazaŭ Mikienas u aŭtorak ahienctvu BNS.
«My starajemsia supakojvać, tłumačyć, ale ja nie mahu harantavać, jakoje rašeńnie prymie zaŭtra vyšejšy orhan kiravańnia asacyjacyi», — dadaŭ jon.
Paśla taho, jak Litva ŭ paniadziełak uviečary paŭtorna źviarnułasia da Minska z prośbaj adkryć pamiežnyja punkty Miedniki i Salečniki dla litoŭskich pieravozčykaŭ, Mikienas nie vieryć, što Biełaruś dazvolić im viarnucca dadomu. «Nie budziem śmiešnyja i nie budziem na niešta spadziavacca. Viedajučy, jak ja heta nazyvaju, mientalitet takich terarystyčnych dziaržaŭ, nie varta čakać nijakich sastupak. Pakul miaža nie budzie adkryta — hruzaviki nie vyjeduć», — zajaviŭ prezident asacyjacyi ŭ kamientary dla BNS.
«Ja całkam upeŭnieny, što tyja transpartnyja srodki, jakija nie pajeduć na stajanki, buduć kanfiskavanyja», — skazaŭ Mikienas.
Kala 800 litoŭskich hruzavikoŭ užo pieramieščanyja na placoŭki kala miažy ź Litvoj: 70 — pobač z Kamiennym Łoham, 160 — kala Bieniakoniaŭ, 220 — kala Katłoŭki i 350 — kala Bierastavicy, a ich kiroŭcam dazvolena vyjechać.
Alaksandr Łukašenka ŭ paniadziełak rasparadziŭsia, kab za kožny litoŭski hruzavik uźnimałasia płata 120 jeŭra ŭ dzień, a kali jana nie budzie vypłačana, mašyny buduć kanfiskavanyja.
U siamji Mironcavych za palityku ŭžo asudzili maci i troch siaścior. A ciapier aryštavali i muža adnoj ź siaścior3
Kamientary