1100 litoŭskich hruzavikoŭ nie vypuściać ź Biełarusi da adkryćcia miažy
Kiroŭcam pry hetym dazvolać pakinuć Biełaruś, adnak aŭtamabili zastanucca ŭ krainie
1100 litoŭskich hruzavikoŭ, jakija zachraśli ŭ Biełarusi, nie vypuściać z krainy da adkryćcia miažy, piša pres-słužba Dziaržaŭnaha mytnaha kamiteta.
Paśla taho, jak Litva zakryła miažu z-za mieteazondaŭ z kantrabandaj, jakija rehularna prylatajuć z boku našaj krainy, u Biełarusi zachraśli 1100 hruzavych aŭto ź litoŭskimi numarami. U Biełarusi pryniali rašeńnie ab raźmiaščeńni ich na śpiecyjalnych stajankach la punktaŭ propusku na miažy.
Kiroŭcam pry hetym dazvolać pakinuć Biełaruś, adnak aŭtamabili zastanucca ŭ krainie. «Da adnaŭleńnia litoŭskim bokam narmalnaha ruchu praz punkty propusku «Miedniki» i «Salečniki» pieramiaščeńnie hruzavikoŭ na litoŭskaj rehistracyi praź biełaruskuju miažu ažyćciaŭlacca nie budzie», — skazana ŭ paviedamleńni DMK.
Užo na placoŭkach raźmieščana 800 litoŭskich hruzavikoŭ: «Bierastavica» — 350; «Bieniakoni» — 160; «Katłoŭka» — 220; «Kamienny Łoh» — 70.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary
Kstati, očień pochožie otžimaliś otriemontirovannyje, s kapitalnym riemontom infrastruktury, zapadnymi posolstvami, Drozdy, tak žie obdrał Ford, Nieopłan, Bałtiku i mnoho čieho jeŝio, vsie i nie upomniš.
Ach da, i vieś cientr Minska i obłastnych horodov, v 1994-1996 hodach, byli otžaty i ohrableny takoj žie schiemoj, s obiazatielnym, kapitalnym riemontom priedvduŝim sobstvieńnikom.