Hlińnik: Vystup Mielnikavaj na apošniaj kanfierencyi byŭ dziŭny — jana kazała, jak choča dadomu
Spačatku było dzieviać viersijaŭ taho, što mahło zdarycca sa śpikierkaj Kaardynacyjnaj rady. Na siońniašni dzień zastalisia try.
Polskija žurnalisty-rasśledvalniki źniali śpiecyjalny repartaž «Apieracyja «Mielnikava» dla telekanała TVP INFO. U siužecie svaje viersii źniknieńnia śpikierki Kaardynacyjnaj rady vykazvajuć Śviatłana Cichanoŭskaja, Pavieł Łatuška, vice-śpikierka KR Stasia Hlińnik, zasnavalnik «Bajpoł» Alaksandr Azaraŭ, a taksama byłyja supracoŭniki śpiecsłužbaŭ Polščy, paviedamlaje «Biełsat».
Ahientka ci achviara?
Pra los Anžaliki Mielnikavaj ničoha nie viadoma ŭžo šeść z pałovaj miesiacaŭ. Apošni raz na suviaź jana vychodziła 21 sakavika 2025 hoda. Jak stała viadoma paźniej, 26 lutaha jana vylecieła razam ź dziećmi z Varšavy ŭ Łondan. 28 lutaha palacieła ŭ Šry-Łanku. 7 sakaviku była ŭžo ŭ Dubai. Tam jana pieradała dziaciej maci i źnikła, a razam ź joj — hrošy z rachunku «Kibierpartyzanaŭ» — 150 tysiač jeŭra.
Sa słovaŭ vice-śpikierki Kaardynacyjnaj Rady Stasi Hlińnik, spačatku było dzieviać viersijaŭ taho, što mahło zdarycca ź Mielnikavaj. Na siońniašni dzień zastalisia try: što jana ad samaha pačatku była supracoŭnicaj śpiecsłužbaŭ, što była zavierbavanaja pad prymusam u Polščy, i što KDB sprabavaŭ zavierbavać jaje, adnak štości pajšło nie tak, «i ŭ takim vypadku całkam mahčyma, što jana ŭžo miortvaja».
«Dumki pra jaje vahajucca ad taho, što jana ahientka, da taho, što jana achviara», — kaža Stasia Hlińnik.
Pradstaŭnica KR pryhadvaje vystup Mielnikavaj na kanfierencyi demsiłaŭ u Varšavie ŭ dzień prezidenckich vybaraŭ u Biełarusi ŭ studzieni. Hlińnik kaža, što pramova Anžaliki była dziŭnaj i chutčej «u styli Łukašenki, čym našym».
«Heta była kanfierencyja, dzie my musili pakazać alternatyvu łukašenkaŭskamu śvietu.
Ale jana vybrała takija temy, što prosta raskazvała, što choča dadomu, i jak joj sumna bieź jejnaj himnazii. Heta było dziŭna. A naprykancy jana pačała śpiavać pieśniu, jakuju ŭ nas zvyčajna śpiavali na «Słavianskim bazary». Ja ŭvieś čas dumaju, što taja pieśnia była chutčej u łukašenkaŭskim styli, čym u našym», — raspaviadaje vice-śpikierka KR.
Pavieł Łatuška pryhadvaje, što napiaredadni źniknieńnia Mielnikavaj ni ŭ kaho nie było padazreńniaŭ, što ź joj štości adbyvajecca.
Stasia Hlińnik u svaju čarhu kaža, što kalehi jakraz zaŭvažyli peŭnyja niezrazumiełyja prajavy. Naprykład, toje, što zaŭsiody aktyŭnaja Mielnikava pierastała pracavać.
Ale jana kazała, što chvareje, tamu jejnyja pavodziny śpisali na heta, a taksama na mahčymaje vyharańnie.
Łatuška: Budu asprečvać, što jana była ahientkaj
Łatuška zaznačaje, što 25 sakavika, kali atrymaŭ paviedamleńnie ad Mielnikavaj, zrazumieŭ, što heta nie jana piša sa svajho telefonu. Paźniej atrymałasia vyśvietlić, što 19 sakavika telefon uklučaŭsia ŭ Biełarusi, što, adnak, nie dakazvaje, što Mielnikava taksama była tam.
Kiraŭnik NAU nie zhodny z tym, što Anžalika ad samaha pačatku była supracoŭnicaj śpiecsłužbaŭ.
«Ja budu asprečvać, kali chtości skaža, što jana była ahientkaj śpiecsłužbaŭ. Dziakujučy jejnaj kamunikacyi Polšča pryznała Kaardynacyjnuju radu biełaruskim parłamientam u vyhnańni. Ja zadaju pytańnie — heta było zadańniem śpiecsłužbaŭ? Heta vializny minus dla ich», — padkreślivaje Łatuška.
Jość viersija, što ŭ historyi sa źniknieńniem nie apošniuju rolu adyhraŭ były muž Mielnikavaj, jaki, niahledziačy na razvod, pryjazdžaŭ da jaje ŭ Polšču, žyŭ ź joj i vioŭ spravy svajoj firmy z chatniaha adrasu byłoj žonki. A potym biez prablemaŭ viartaŭsia ŭ Biełaruś. Polskija žurnalisty miarkujuć, što heta moža značyć, što ŭ Biełarusi jaho schilili da supracy sa śpiecsłužbami, i jon pryjazdžaŭ da Mielnikavaj źbirać pra jaje infarmacyju, a jana, mahčyma, navat viedała, što jon supracoŭničaje.
Kiraŭnik «Bajpoł» Alaksandr Azaraŭ miarkuje, što rodnyja Anžaliki, u tym liku muž, viedajuć, što ź joj adbyłosia, bo nichto ź ich nie padaŭ nivodnaj zajavy ab jejnym źniknieńni — ni ŭ Biełarusi, ni ŭ Polščy.
Były siłavik ličyć, što Mielnikava nie ŭ Biełarusi:
«Kali b jana była ŭ Biełarusi, jaje b nie ŭdałosia tam schavać, kali b jana trapiła ŭ turmu, chtości siadzieŭ by ź joj, vyjšaŭ i skazaŭ by pra heta. Kali b jana była na voli, jaje b ubačyli. Tamu, chutčej za ŭsio, jana nie ŭ Biełarusi, a niedzie za miažoj, u krainie, ź jakoj niama ekstradycyi ni ŭ Biełaruś, ni ŭ Polšču, bo toje, što jana źniała hrošy z rachunku, heta złačynstva, i raniej ci paźniej Interpał abvieścić jaje ŭ vyšuk».
Aŭtary repartažu raspaviadajuć, što vyśvietlili, što chtości zusim niadaŭna karystaŭsia profilem Anžaliki Mielnikavaj u Google — 6 lipienia 2025 hoda. Taksama chtości zachodziŭ u jejny Telehram mienš za miesiac tamu.
Nie pryjarytet dla polskich śpiecsłužbaŭ
Spravu ab źniknieńni Anžaliki Mielnikavaj rasśleduje prakuratura ŭ Lublinie. Nieaficyjna polskija žurnalisty daviedalisia, što «źniknieńnie Mielnikavaj — biełaruski, ale taksama i polki — nie pryjarytet dla polskich śpiecsłužbaŭ».
Były aficer polskaj kontrraźviedki, jaki nie raskryvaje svajho imia, kaža, što «polskija śpiecsłužby praspali toj momant, kali hetaj spravaj treba było zacikavicca».
«Ciapier možna hadać, jakoj była sapraŭdnaja meta dziejańniaŭ biełaruskich śpiecsłužbaŭ suprać Mielnikavaj. Ci heta było vysmoktvańnie ź jaje infarmacyi? Ci schileńnie da supracy? Mielnikava pavinna była być z pryčyny zajmanaj joj pasady pad asablivym nahladam polskich śpiecsłužbaŭ. Adnak, zdajecca, jana pad takim nahladam nie była.
Heta pakazvaje biazzubaść polskaj kontrraźviedki, jakaja takoje dapuskaje. I vielmi mahčyma, što my nikoli nie daviedajemsia, što zdaryłasia z Anžalikaj Mielnikavaj», — reziumuje były supracoŭnik polskich śpiecsłužbaŭ.
U studyi TVP Info spravu Anžaliki Mielnikavaj aŭtary repartažu abmiarkoŭvali taksama z majoram-doktaram Hannaj Hraboŭskaj-Siviec, byłoj śpiecsłužboŭcaj kontrraźviedki Ahienctva ŭnutranaj biaśpieki Polščy, ciapier vykładčycaj Biełastockaha ŭniviersitetu.
***
Śpikierka Kaardynacyjnaj rady Anžalika Mielnikava pakinuła terytoryju Polščy i Jeŭrasajuza 26 lutaha 2025 hoda i palacieła ŭ Łondan. Pavodle rasśledavalnikaŭ, za dzień da vyletu jana zareziervavała numar u piacizorkavym hateli na Šry-Łancy, dzie ŭžo byvała raniej. Z 28 lutaha da 7 sakavika Mielnikava žyła ŭ tym hateli ź dziećmi. 7 sakavika Mielnikava ź dziećmi palacieła ŭ Dubaj, tam jaje śled hublajecca. 25 sakavika jana pierastała vychodzić na suviaź. Dzie jana i što ź joj, niama infarmacyi.
Kaardynacyjnaja rada zajaŭlała, što 13 sakavika ź jaje akaunta byli spampavanyja dakumienty, jakija datyčacca pracy arhanizacyi.
U tym ža miesiacy, pavodle źviestak «Kibierpartyzanaŭ», Mielnikava pieraviała na asabisty rachunak bolš za 150 tysiač dołaraŭ sa srodkaŭ fondu Białoruś Liberty. Viadoma taksama, što pierad źniknieńniem jana lotała na Kubu i ŭ Šry-Łanku razam z Alaksiejem Łabiejevym, supracoŭnikam łukašenkaŭskich śpiecsłužbaŭ.
Eks-aficer polskaj kontrraźviedki: Mielnikava supracoŭničała sa śpiecsłužbami Biełarusi jašče da emihracyi
«Mielnikava nie abaviazkova ahientka KDB, jana moža być achviaraj. A Łabiejeŭ jaje kupiŭ tym, što nazvaŭsia adzinokim baćkam ź dziećmi»
Niadaŭna niechta zachodziŭ u telehram-akaŭnt Anžaliki Mielnikavaj
Ciapier čytajuć
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary