Na aŭkcyjon vystavili kultavy niamiecki sportkar. Pradajuć usiaho za 390 rubloŭ
Na aŭkcyjonnaj placoŭcy Bielurzabieśpiačeńnia źjaviŭsia vielmi cikavy łot. Heta aŭtamabil Opel Manta.
Manta była niamieckim adkazam na amierykanskija poni-kary nakštałt Chevrolet Corvette. Pieršuju madel liniejki prezientavali ŭ 1970 hodzie, piša Blizko.by.
Vyjšła niekalki pakaleńniaŭ mašyn z matoram roznaj mahutnaści i abjomu; aŭtamabil staŭ papularnym abjektam ciuninhu, a taksama niadrenna ŭdzielničaŭ u ralijnych spabornictvach.
U Hiermanii Opel Manta stała kulturnym fienomienam, a kiroŭca «Manty» — prykładna taki ž humarystyčny stereatyp, jak u nas «novy ruski». Pavodle niamieckaha haradskoha falkłoru, siaredniestatystyčny kiroŭca Opel Manta — heta małady nakačany chłopiec (Mantafahrer), jaki nie vyłučajecca rozumam, pavodzić siabie ahresiŭna i ŭ patoku, i za jaho miežami, a taksama sustrakajecca z karykaturnaj błandzinkaj-cyrulnicaj.
Na tarhi vystavili druhoje pakaleńnie mašyny — Opel Manta B. U apisańni łota skazana, što kupe załacistaha koleru vypuščana ŭ 1983 hodzie. Niama źviestak ab pracoŭnym abjomie matora i jaho mahutnaści. U tyja hady na Manta stavili šmat raznastajnych ruchavikoŭ, ź jakimi kupe mahło razhaniacca da 190‑200 km/h.
Mašyna znachodzicca ŭ Dokšycach Viciebskaj vobłaści, pradajecca jak majomaść daŭžnika Volhi Chareŭskaj-Dziamidavaj.
Pa danych anłajn-kartatek, IP z takimi ž danymi isnavała ŭ 2001‑2018 hadach (vid dziejnaści nie ŭstanoŭleny).
Adnak pa fota ž vidać, što mašyna pabyvała ŭ surjoznym i, moža być, navat strašnym DTZ: uvieś pierad mašyny całkam spluščany.
Ciapier čytajuć
«Kali šandarachnie pa ciahniku, chto budzie lidaram demsił?» Dva dni z delehacyjaj Cichanoŭskaj u Kijevie — što zastałosia za kadram31
Kamientary
Pacikaūciesia ū Viki - Riga Motor Museum (Latvian: Rīgas motormuzejs) is the biggest antique vehicle museum in the Baltic countries, located in Riga, Latvia.
• ŁAŠAR-KAR •
🚗 Kali «Šaŭrale Karvet» heta poni-kar, to jak nazvać taho, chto karknuŭ hetkuju biazhłuździcu, a jašče taho, chto jašče bolš biazhłuzda «pierapościŭ» jaje na hety sajtyk? Jość prapanovy, tolki cenzar nie prapuścić.
🤾 Voś koratka tłumačyć niechta Ślidavajs: ««Karvet» heta dvuchmiesny spartyŭny aŭtamabil. Poni-kary — kampaktnyja, stylnyja aŭtamabili z pasadačnaj formułaj 2+2. Mustang — pratatyp poni-kara, adsiul i nazva. Da poni-karaŭ adnosiacca Mustang, Camaro, Cougar, Firebird, Barracuda/'Cuda, Challenger i Javelin...». (Šach i) mat takim «našym» pisakam!
.
• ŁAŠAR-KAR •
🚗 Kali «Šaŭrale Karvet» heta poni-kar, to jak nazvać taho, chto karknuŭ hetkuju biazhłuździcu, a jašče taho, chto jašče bolš biazhłuzda «pierapościŭ» jaje na hety sajtyk? Jość prapanovy, tolki cenzar nie prapuścić.
🤾 Voś koratka tłumačyć niechta Ślidavajs: ««Karvet» heta dvuchmiesny spartyŭny aŭtamabil. Poni-kary — kampaktnyja, stylnyja aŭtamabili z pasadačnaj formułaj 2+2. Mustang — pratatyp poni-kara, adsiul i nazva. Da poni-karaŭ adnosiacca Mustang, Camaro, Cougar, Firebird, Barracuda/'Cuda, Challenger i Javelin...». (Šach i) mat takim «našym» pisakam!
.