Kolki kaŭbasy vychodzić z tony kurycy i kudy dziajuć kurynyja kostki?
Kuryca ličycca samym tannym miasam na rynku ŭ našym rehijonie. Tamu jaje tak lubiać vytvorcy: čym tańniejšaje syroje miasa, tym nižejšy košt kančatkovaj pradukcyi, naprykład, kaŭbasy. Dyrektarka małdaŭskaha miasakambinata Mezellini Anžeła Hiearhica patłumačyła, kolki kaŭbasy možna atrymać z tony kurycy, kolki na hetym zarablaje pradpryjemstva i kudy vykarystoŭvajuć kostki brojleraŭ, piša Telegraf.news.
Niahledziačy na toje, što kuryca — samaje tannaje miasa, kaŭbasa ź jaje daloka nie tannaja. Zvyčajna z kurycy hatujuć šynku, baleron i roznyja rulety, a nie kłasičnuju varanuju kaŭbasu. Heta źviazana z tym, što ŭ paraŭnańni z varanaj kaŭbasoj, u jakuju časta idzie miechanična abvalenaje miasa, kurynyja rulety i šynku robiać z čystaj kuraciny.
Tak atrymlivajecca, što ŭmoŭnaja śvinaja varanaja kaŭbasa moža kaštavać daražej za kurynuju, a kiłahram kurynaha balerona — u 2—3 razy daražej za kiłahram tuški kuraniaci.
Pa słovach Anžeły Hiearhicy, z tony kurycy čystaha miasa, jakoje idzie na kurynuju kaŭbasu, zastajecca krychu bolš za pałovu — 580 kh. Zvyčajna na kaŭbasu nie idzie kurynaja hrudka — pradpryjemstvu vyhadniej jaje zavendzić. Ale kali ŭ vytvorčaść puścić usie 580 kh kurynaha miasa, na vychadzie atrymajecca prykładna 560 kh kurynaha ruletu.
⬇️ Skolko kołbasy połučitsia iz 1 tonny kuricy? Iz 1 tonny brojlera połučili: ✅ 580 kh. čistoho miasa ➡️ 147 kh. miasa miechaničieskoj obvałki (MMO) Zatraty. Kurica - 40 lej/kh. Itoho: 40 000 lejev. Vyručka. Iz miasa sdiełali 560 kh. kurinoho ruleta Ciena - 131,4 lej/kh. ✅ Itoho: 73 584 lejev. MMO pošło v diešievyje kołbasy, posčitať słožno, no rynočnaja ciena około 30 lej/kh. Dla orijentira: 1 USD ≈ 17 lej 1 lej ≈ 4,65 rub. RF Vyručka počti v 2 raza bolšie zatrat Čto dumajetie po etomu povodu?
Tolki na hetym etapie miasakambinat amal udvaja adbivaje sumu, vydatkavanuju na zakupku syraviny: kali tona kurycy abychodzicca prykładna ŭ 2,4 tysiačy dalaraŭ, to 560 kh kaŭbasy možna pradać za 4,3 tysiačy dalaraŭ.
Ale na hetym vyhada pradpryjemstva nie zakančvajecca. Akramia čystaha miasa, zastajucca jašče kostki. Prykładna piatuju častku daviadziecca vykinuć — heta samyja bujnyja kości, jakija nie iduć na pierapracoŭku. Kab jany zusim nie prapadali, ich možna pieradavać u prytułki dla žyvioł.
Maleńkija kostki — prykładna 220 kh śpinki i kryłaŭ — adpraŭlajuć na pierapracoŭku. Ź ich atrymlivajuć kala 147 kh miasa miechaničnaj abvałki, ź jakoha robiać tannuju varanuju kaŭbasu. Prybytak ad jaje, u paraŭnańni z kaŭbasoj z čystaha miasa, budzie mienš značnym.
Hetaja infarmacyja pryviadziena biez uliku vydatkaŭ na vytvorčaść, zarobak supracoŭnikaŭ i košt inšych kampanientaŭ kaŭbasy.
Čamu ciapierašniaja tušonka zachoŭvajecca tolki 2 hady, a ŭ savieckija časy ŭ razy daŭžej?
Dyrektarka miasakambinata raskazała, jak treba pravilna narazać kaŭbasu
Słuckija fiermiery pakazali hihancki apietytny kavałak sała — u tyktoku miljony prahladaŭ
Žychar Homiela skraŭ u kramie smačnuju kaŭbasu, ale pakinuŭ pašpart
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć38
Kamientary
[Zredahavana]
Połupravda staťji chužie,čiem łoż.