U Minsku truby zvalilisia prosta pad BMW. I heta nie adzinkavy vypadak!
Niebanalnaja historyja adbyłasia ŭ miascovym prajeździe kala doma pa adrasie Mašerava, 25, u Minsku: pobač z pryparkavanym BMW zvalilisia truby. Adkul? Z hruzavika, jaki apynuŭsia pobač, piša Onliner.by.
Jak dakładna ŭsio adbyłosia, pakul nieviadoma: u rasparadžeńni redakcyi jość tolki fotazdymki z nastupstvami zdareńnia. Pakul usio vyhladaje tak, byccam hruz zvaliŭsia z pryčepa ŭ momant, kali mašyna abjazdžała pryparkavany krasovier. Ale heta tolki viersija.
Acanić uvieś maštab paškodžańniaŭ pa fota taksama składana, adnak vidać, što ad udaru saskočyŭ piaredni bampier.
Aŭtar zdymkaŭ taksama śćviardžaje, što ad udaru aŭtamabil krychu zrušyŭsia ŭbok. Na miescy ŭžo prysutničaje ekipaž DAI.
Darečy, źviarnicie ŭvahu: truby pieravozilisia nie na hruzavoj płatformie, a na trale, pryznačanym dla pieravozki śpiectechniki. Na fota vidać to tros, to kanat, z dapamohaj jakoha, vierahodna, sprabavali zafiksavać hruz. Ale hetaha, vidavočna, było niedastatkova.
U śniežni 2025 hoda na kruhavoj raźviazcy płoščy Franciška Bahuševiča z pryčepa ruchomaha hruzavika na prajeznuju častku ŭpaŭ kran. Pavodle papiaredniaj infarmacyi staličnaj DAI, heta adbyłosia z-za nienaležnaha zamacavańnia śpiectechniki. U vyniku DTZ nichto nie paciarpieŭ.
Hetaje zdareńnie adbyłosia letam 2025 hoda: z pryčepa ŭpaŭ hruzavy kantejnier. Na ščaście, tady nichto nie paciarpieŭ, navat inšyja aŭtamabili nie byli zakranutyja.
— Kiroŭca hruzavoha aŭtamabila Volvo ruchaŭsia na padjom z praśpiekta Partyzanskaha na ŭnutranaje kalco MKAD. Padčas ruchu ŭ vyniku nienaležnaha zamacavańnia hruzavoha kantejniera adbyłosia jaho padzieńnie na prajeznuju častku, — prakamientavali tady zdareńnie ŭ DAI.
Kamientary