Novy raŭnd pieramovaŭ pamiž delehacyjami ZŠA i Ukrainy adbudziecca siońnia, 17 studzienia, u Majami, paviedamiła pasoł ZŠA ŭ Złučanych Štatach Volha Stefanišyna.
«Ukraina praciahvaje aktyŭnyja kansultacyi z ZŠA adnosna budučaj architektury biaśpieki i doŭhaterminovaha ekanamičnaha raźvićcia našaj dziaržavy. U subotu ŭ Majami, štat Fłaryda, adbuducca pieramovy», — napisała jana ŭ Facebook.
U pieramovach voźmuć udzieł sakratar Rady nacyjanalnaj biaśpieki i abarony Ukrainy Rustem Umieraŭ, kiraŭnik Ofisa Uładzimira Zialenskaha Kirył Budanaŭ i kiraŭnik parłamienckaj frakcyi kirujučaj partyi «Słuha naroda» David Arachamija.
«My pracujem nad dvuma klučavymi dakumientami — pahadnieńniami ab harantyjach biaśpieki i ab ekanamičnym dabrabycie Ukrainy ahulnym abjomam da 800 młrd dalaraŭ, jakija mohuć być padpisanyja na Suśvietnym ekanamičnym forumie ŭ Davosie. Meta vizitu — dapracoŭka hetych damoŭlenaściaŭ z amierykanskimi partniorami, kab jany maksimalna adpaviadali nacyjanalnym intaresam Ukrainy», — dadała pasoł.
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary