Paśla rasijskich udaraŭ va Ukrainie nie zastałosia nivodnaj cełaj elektrastancyi
Paśla rasijskich udaraŭ va Ukrainie nie zastałosia nivodnaj elektrastancyi, jakaja b nie paciarpieła. Pra heta zajaviŭ niadaŭna pryznačany na pasadu ministr enierhietyki krainy Dzianis Šmyhal.
Pavodle słoŭ Dzianisa Šmyhala, tolki za minuły hod pa enierhietyčnaj infrastruktury Ukrainy było naniesiena 612 naŭmysnych kambinavanych udaraŭ, a ciapier ataki adbyvajucca amal štodnia. U vyniku vyviedzienyja sa stroju tysiačy miehavat mahutnaściaŭ.
Niahledziačy na heta, enierhasistema Ukrainy ŭsio jašče funkcyjanuje jak adzinaje cełaje, adnak u krainie dziejničajuć žorstkija abmiežavańni na spažyvańnie elektraenierhii. Najbolš ciažkaja situacyja nazirajecca ŭ Kijevie, a taksama ŭ Adeskaj, Dnieprapiatroŭskaj, Charkaŭskaj i inšych pryfrantavych abłaściach.
Šmyhal adznačyŭ, što Ukraina aktyŭna supracoŭničaje ź mižnarodnymi partniorami, zakuplajučy hienieratary, akumulatary, transfarmatary i inšaje abstalavańnie dla adnaŭleńnia. Da ramontnych rabot pryciahnuta bolš za 15 tysiač śpiecyjalistaŭ, jakija pracujuć kruhłasutačna. Akramia taho, kraina naroščvaje impart elektraenierhii ź Jeŭrapiejskaha Sajuza. Pavodle ministra, Rasija raźličvaje złamać Ukrainu praz enierhietyčny terop, ale ŭłady ŭśviedamlajuć maštab pahroz i reahujuć apieratyŭna.
Na minułym tydni paśla masiravanych abstrełaŭ u Kijevie bieź ciapła i elektryčnaści zastalisia kala šaści tysiač damoŭ — amal pałova šmatpaviarchovaha žylla. U noč na 13 studzienia deficyt elektraenierhii ŭ stalicy byŭ nastolki vostrym, što jaje nie chapała navat dla krytyčnaj infrastruktury. Pa stanie na viečar 15 studzienia bieź śviatła zastavalisia kala 300 damoŭ.
Pavodle acenak Jeŭrasajuza, kali ataki praciahnucca z takoj ža intensiŭnaściu, cełyja levabiarežnyja rehijony Ukrainy, dzie da pačatku poŭnamaštabnaj vajny žyło kala 15 miljonaŭ čałaviek, mohuć całkam stracić dostup da elektraenierhii. Ukrainskija enierhakampanii raniej zajaŭlali, što resursaŭ dla ramontu paškodžanych stancyj praktyčna nie zastałosia. Na hetym fonie kiraŭnik MZS Ukrainy Andrej Sibiha abviaściŭ pra sklikańnie tak zvanaha «enierhietyčnaha Ramštajna», pryśviečanaha ŭmacavańniu enierhietyčnaj infrastruktury krainy.
Zialenski: Ukraina nikoli nie była i nie budzie pieraškodaj dla miru
U Kijevie zatrymali mužčynu, jakoha padazrajuć u kaardynavańni celaŭ dla rasijan praź biełaruskich siłavikoŭ
Zialenski: Rasijanie śpiecyjalna čakali marazoŭ, kab zrabić ludziam najhorš
U Kijevie adklučana elektryčnaść, spyniena padača vady i ciapła
Kamientary