Zialenski: Rasijanie śpiecyjalna čakali marazoŭ, kab zrabić ludziam najhorš
Prezident Ukrainy Uładzimir Zialenski acaniŭ situacyju ŭ mnohich ukrainskich rehijonach jak składanuju paśla rasijskich udaraŭ pa krytyčnaj infrastruktury na praciahu tydnia.
Pavodle źviestak Zialenskaha, RF za siem dzion zapuściła pa Ukrainie amal 1100 udarnych dronaŭ, bolš za 890 kiravanych avijacyjnych bombaŭ i bolš čym 50 rakiet roznych typaŭ, siarod jakich «Arešnik».
Zialenski padkreśliŭ, što ataki RF nie majuć nijakaha vajennaha sensu, i nazvaŭ heta teroram suprać ludziej.
«Pa celach, jakija nie majuć nijakaha vajennaha sensu: enierhietyka, žyłyja damy. I jany śpiecyjalna čakali maroznaha nadvorja, kab zrabić najhorš dla našych ludziej. Heta śviadomy, cyničny rasijski teror mienavita suprać ludziej», — kaža jon.
Va ŭkrainskaj enierhietyčnaj kampanii DTEK zajavili, što ciapierašniaja situacyja z elektrazabieśpiačeńniem va Ukrainie — najskładaniejšaja za hetuju zimu.
Kamientary