Epidemijołah raskazała, kolki nasielnictva chvareje štohod u Biełarusi ŭ siezon zachvorvalnaści na VRI i čaho čakać ad novaha karanavirusa
U Biełarusi štohod u siezon zachvorvalnaści na VRI chvareje da 40 pracentaŭ nasielnictva. Ab hetym raskazała zahadčyk adździeła epidemijałohii Respublikanskaha centra hihijeny, epidemijałohii i hramadskaha zdaroŭja Vieranika Vysockaja.
«U 2023‑2024 hodzie ŭzrovień intensiŭnaści epidemičnaha pracesu, mienavita reśpiratornych infiekcyj, jak my havorym, praktyčna viarnuŭsia na dapandemičny pieryjad. Ale ŭsio roŭna ŭ nas u krainie štohod u siezon zachvorvalnaści na vostryja reśpiratornyja infiekcyi chvareje da 40 pracentaŭ nasielnictva», — pieradaje BiełTA słovy Vieraniki Vysockaj.
U cełym epidemijołah zapeŭniła, što pakazčyki zachvorvalnaści znachodziacca ŭ miežach siarednich šmathadovych danych.
«Łabaratorny manitorynh, jaki my pravodzim, pakazvaje, što ciapier cyrkulujuć niehrypoznyja reśpiratornyja virusy. Naprykład, heta rynavirusy, adenavirusy, bakavirusy. I cyrkulacyja virusaŭ hrypu na hety čas u krainie nie adznačajecca. Cyrkulacyja virusaŭ hrypu A, pryčym H1N1 i H3N2, dźvie raznavidnaści virusaŭ hrypu A i cyrkulacyja virusaŭ hrypu V, linii «Viktoryja», jakaja ŭsio ž taki, jak prahnazujecca, budzie mienš aktyŭnaja, čym u minułym hodzie. Ale paralelna budzie cyrkulacyja niehrypoznych virusaŭ, u tym liku i novaha karanavirusa», — raskazała zahadčyk adździeła.
Što datyčycca novaha typu karanavirusa «Stratus», to heta novy varyjant «Amikrona», adnaho z mutantaŭ pieršasnaha karanavirusa.
«U jaho vialikaja zaraźlivaść. Ale razam z tym, što supakojvaje krychu (ale ŭsio ž taki naściarožanaść zachoŭvajecca), virus nie pryvodzić da jakich-niebudź ciažkich prajaŭleńniaŭ zachvorvańnia. Ale kali ŭ čałavieka jość niejkaja spadarožnaja patałohija, to jak siabie paviadzie hety patahien, zaraziŭšy hetaha čałavieka? Viadoma, treba być napahatovie», — padkreśliła Vieranika Vysockaja.
U nasielnictva jość mahčymaść zrabić prafiłaktyčnyja pryščepki suprać hrypu z vykarystańniem pakul tolki adnoj vakcyny.
«Heta «Influvak tetra», vakcyna vytvorčaści Niderłandaŭ. Ciapier čakajecca pastaŭka jašče adnoj vakcyny dla akazańnia płatnych pasłuh nasielnictvu — «Vaksihryp tetra». Napeŭna, taksama znajomaja vakcyna francuzskaj vytvorčaści. U pačatku nastupnaha tydnia z łabaratornaha kantrolu vychodzić vakcyna «Hrypoł plus» rasijskaj vytvorčaści, jakaja zakuplena dla praviadzieńnia vakcynacyi na biaspłatnaj asnovie kantynhientam ryzyki i ŭsim žadajučym», — dadała epidemijołah.
Ciapier čytajuć
Praca fizičnaha ofisa Cichanoŭskaj u Vilni časova prypyniena74
Kamientary