U Biełčyhuncy patłumačyli pryčyny zamieny dyziel-ciahnikoŭ na ciahniki łakamatyŭnaj ciahi Minsk — Viciebsk — Minsk
Načalnik łakamatyŭnaha depo Minsk Minskaha adździaleńnia Biełaruskaj čyhunki Raman Łabaževič nazvaŭ žurnalistam pryčyny zamieny dyziel-ciahnikoŭ DP6 u paviedamleńni Minsk — Viciebsk — Minsk na sastavy, sfarmiravanyja z vahonaŭ łakamatyŭnaj ciahi.
Padčas cykłonu «Uli» Biełčyhunka praciahnuła ažyćciaŭlać svaju funkcyju pa pieravozcy pasažyraŭ, a rabotniki łakamatyŭnaha depo ažyćciaŭlali płanava-papieradžalny ramont, raskazaŭ Raman Łabaževič.
«U suviazi z vysokaj intensiŭnaściu vykarystańnia ŭ składanych mieteaŭmovach dyziel-ciahnikoŭ sieryi DP6 uźnikła nieabchodnaść praviadzieńnia techničnych rabot, kab u dalejšym ekspłuatavać hetyja dyziel-ciahniki dla biaśpiečnaj i kamfortnaj pieravozki pasažyraŭ. Heta vyklikała nieabchodnaść časovaj zamieny dyziel-ciahnikoŭ sieryi DP6 na ŭčastku abaračeńnia Minsk — Viciebsk — Minsk na sastavy, sfarmiravanyja z vahonaŭ łakamatyŭnaj ciahi, — rastłumačyŭ Raman Łabaževič. — Paśla vykanańnia rabot dyziel-ciahniki buduć viernuty na maršrut ruchu, i heta budzie zroblena ŭ najbližejšy čas.
Užo 16 lutaha dyziel-ciahniki sieryi DP6 buduć kursiravać pa maršrucie Minsk — Viciebsk — Minsk ź ciahnikami №704 Minsk — Viciebsk, №712/711 Minsk — Viciebsk — Minsk i №713/714 Viciebsk — Minsk — Viciebsk. A z 17 lutaha — ź ciahnikami №704/703, №712/711 i №714/713 Minsk — Viciebsk — Minsk».
Načalnik łakamatyŭnaha depo Minsk rastłumačyŭ, što pieravozačny praces troch nazvanych par ciahnikoŭ fizična zabiaśpiečvajecca dvuma sastavami.
Pavodle jaho słoŭ, praviedzienaja zamiena vyklikała niaznačnyja adchileńni ad hrafika ruchu ciahnikoŭ — da 10 chvilin.
Bilety, aformlenyja da 10 lutaha na nazvanyja ciahniki, sfarmiravanyja z vahonaŭ łakamatyŭnaj ciahi, buduć sapraŭdnymi dla prajezdu ŭ ciahnikach, jakija absłuhoŭvajucca matorvahonnym ruchomym sastavam sieryi DP6.
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ55
Kamientary