Pobač z Kurhanom Słavy za miljon dołaraŭ pradajuć staruju bazu adpačynku. Što heta za abjekt?
U prestyžnaj vioscy Baturynka Smalavickaha rajona šukaje novych haspadaroŭ pustaja baza adpačynku. Turystyčny kompleks pobač z vadajomam vystavili na aŭkcyjon z pačatkovaj canoj u miljon dołaraŭ, piša Realt.
Raźmiaščajecca baza adpačynku ŭ Smalavickim rajonie, Aziarycka-Słabadskim sielsaviecie, u vioscy Baturynka, u zavułku Školnym, 1. U savieckija hady tut pracavała siaredniaja škoła, a zatym budynak pierafarmatavali pad spartyŭna-azdaraŭlenčuju bazu.
Ad MKAD da hetych miescaŭ — 17 kiłamietraŭ.
U skład łota, vystaŭlenaha na tarhi, trapiła adrazu niekalki abjektaŭ: hałoŭny korpus płoščaj kala 900 kvadratnych mietraŭ, dva letnija domiki pa 26 kvadrataŭ kožny, mini-kacielnia, domik vartaŭnika, artezijanskaja śvidravina i niekalki niezavieršanych kapitalnych budynkaŭ.
Akramia pabudoŭ novamu ŭłaśniku ŭ arendu terminam na 99 hadoŭ dastaniecca i ŭčastak płoščaj 96 sotak. Pavodle ŭmoŭ pakupnik bazy abaviazany harantavać biaśpieku i abmiežavańnie dostupu na abjekt, padtrymlivać naležny sanitarny stan majomaści, a hałoŭnaje — ažyćciavić rekanstrukcyju, znos abo ŭźviadzieńnie novaha abjekta ŭ terminy, vyznačanyja prajektnaj dakumientacyjaj.
Sama vioska Baturynka siońnia ŭjaŭlaje saboj katedžny pasiołak z kapitalnymi damami. Pobač znachodziacca malaŭničaje voziera i les.
Tarhi pa prodažy bazy adpačynku projduć u elektronnym vyhladzie 4 sakavika.
-
Biełarus zrabiŭ vintažny ramont u 178‑hadovaj kvatery ŭ styli «babušatnik» i robić na joj biznes. Pahladzicie, jak vyjšła
-
«Žorstki łoft». U «Minsk-Śviet» zdajuć studyju z hołymi ścienami — ludzi šakavany canoj
-
U Hrodnie pradajuć kvateru z krutym vidam na Farny kaścioł i Savieckuju płošču. Cana taksama ŭražvaje
Kamientary