Stvaralnica znakamitaha biełaruskaha madelnaha ahienctva prakamientavała jaho zhadki ŭ fajłach Epštejna
Siarod apublikavanych fajłaŭ skandalna viadomaha amierykanskaha finansista Džefry Epštejna znajšlisia listy ad biełaruskaha madelnaha ahienctva «Studyja Tamara». Tamara Hančarova, stvaralnica ahienctva, adkazała na skandał.
Hančarova zajaviła, što nijakaha dačynieńnia da dziejnaści Epštejna ni jana asabista, ni ahienctva nie majuć.
«Praca našych madelaŭ za miažoj arhanizoŭvajecca ŭ dakładnaj adpaviednaści z zakanadaŭstvam Respubliki Biełaruś na padstavie licenzii ab pracaŭładkavańni za miažoj, vydadzienaj MUS Respubliki Biełaruś. Dahavory ab pracaŭładkavańni za miažoj, jakija zaklučajucca, rehistrujucca va Upraŭleńni pa hramadzianstvie i mihracyi HUUS Minharvykankama», — davodzić jana.
Čamu dziełavaja pierapiska z ahienctvam madelaŭ Mademoiselle, dzie studyja prapanoŭvała biełaruskich madelaŭ dla pracy ŭ Paryžy, trapiła ŭ fajły Epštejna, joj nieviadoma i niezrazumieła.
«Asoby, jakija jakim-niebudź čynam paciarpieli ad dziejnaści Epštejna abo jakim-niebudź čynam datyčnyja da dziejnaści Epštejna, mnie nieviadomyja», — piša jana.
Kamientary