U Biełarusi ŭviali źmieny dla aŭtaŭładalnikaŭ pry prachodžańni techahladu
U Biełarusi ŭstupili ŭ siłu źmieny, jakija tyčacca pracedury prachodžańnia techahladu, paviedamili BIEŁTA va UP «Biełtechahlad».
Karekciroŭki nakiravany na źnižeńnie biurakratyčnych barjeraŭ i aktyŭnaje raźvićcio ličbavych servisaŭ.
Skasavanaje patrabavańnie ab abaviazkovaj vydačy dazvołu na dopusk transpartnaha srodku da ŭdziełu ŭ darožnym ruchu niepasredna na dyjahnastyčnych stancyjach. Aŭtaŭładalnikam dajecca mahčymaść atrymać jaho ŭ elektronnym vyhladzie praz adziny partał elektronnych pasłuh «Je-Pasłuha».
Akramia taho, ciapier taki dakumient nie patrabujecca dla pravierki supracoŭnikami Dziaržaŭtainśpiekcyi. Jaho sapraŭdnaść paćviardžajecca praź infarmacyjnyja bazy danych. «Atrymańnie takoha dakumienta na papiarovym nośbicie stanovicca nieaktualnym», — adznačyli na pradpryjemstvie.
Vyklučana i norma pra nieabchodnaść pakazvać paćviardžeńnie ab uniasieńni płaty za praviadzieńnie administracyjnaj pracedury. Razam z tym dazvoł na dopusk nie vydajecca, kali pasłuha nie apłačana.
«Rekamiendujem dla apłaty administracyjnych pracedur jak fizičnym asobam, tak i subjektam haspadarańnia vykarystoŭvać mahčymaści ARIP», — źviarnuli ŭvahu na pradpryjemstvie.
Kamientary