«Vysłuchaju vaša nyćcio. Doraha». Dypłamavany śpiecyjalist Illa Dabratvor prapanuje psichałahičnyja kansultacyi
Były aktyvist BNF Illa Dabratvor, jaki ŭ apošnija hady pracuje taksistam u Varšavie, prapanuje pasłuhi ŭ jašče adnoj śfiery.
Pra toje, što hatovy brać klijentaŭ, Dabratvor napisaŭ u fejsbuku. Voś jak jon apisaŭ svaju mahčymuju pracu:
«Zusim nie talerantny psichołah. Vysłuchaju vaša nyćcio, dapamahu znajści rašeńni vašych prablem, ale nyć z vami nie budu. Ni razu nie libierał. Doraha, ale heta taho vartaje […] Kali niama hrošaj, to vam psichołah nie patrebny, vy — absalutna narmalny čałaviek».
Dabratvor raskazaŭ «Našaj Nivie», što i raniej ładziŭ pryvatnyja kansultacyi, ale apošnim časam bolš zajmaŭsia palityčnymi technałohijami — jon nazyvaje ich pamiežnaj halinoj pamiž psichałohijaj i palitykaj.
Ciapier Illa vyrašyŭ pracavać psichołaham publična i pasprabavać znajści novych klijentaŭ:
«Adsočvaju roznyja psichałahičnyja supołki ŭ siecivie i daŭno naziraju, što ŭ płanie kansultacyj prysutničaje kryzis. Bolšaść ludziej, jakija sprabujuć dapamahčy [u hetaj halinie], nie majuć narmalnaj psichałahičnaj adukacyi. Bolšaść tak zvanych psichołahaŭ — heta ludzi, jakija skončyli niejkija kursy, heta infacyhany.
Mnie jak prafiesijnamu psichołahu asabliva baluča hladzieć na toje, što kažuć tyja ź ich, chto maje šmat padpisčykaŭ u fejsbuku ci instahramie, chto maje vialikuju aŭdytoryju. Ludzi prosta bačać ich i dumajuć, što heta prafiesijnyja psichołahi, ale na samoj spravie heta infacyhany».
Illa ličyć, što treba mieć univiersiteckuju adukacyju ŭ halinie psichałohii, kab nazyvać siabie psichołaham:
«Jon musić mieć dypłom, dzie napisana, što jon psichołah, a nie papierku, vydadzienuju nieviadoma kim, ci dypłom, nabyty ŭ pierachodzie. Ale ja baču, što bolšaść z tych, chto zajmajecca psichałohijaj, nie źjaŭlajucca psichołahami, jany pracujuć chutčej jak šarłatany ci siektanty. Jany prosta niedzie niešta pračytali i čamuści pajšli pracavać. Hetyja psichołahi z kuchniaŭ pavychodzili ŭ ludzi i čamuści pačali kansultavać inšych ludziej. Niekatoryja maje znajomyja źviartalisia da psichołahaŭ, i ja nie bačyŭ u ich stanoŭčych vynikaŭ ad toj pracy. Tak, jany brali hrošy. Heta, napeŭna, ich hałoŭnaja meta, heta jany dobra ŭmiejuć».
U samoha Illi jość adukacyja pa śpiecyjalnaści «Psichołah, vykładčyk psichałohii». Atrymaŭ jon jaje ŭ pryvatnym Mižnarodnym humanitarna-ekanamičnym instytucie, jaho dypłom vydadzieny ŭ 2004‑m hodzie. Illa ŭdakładniaje, što tam pracavali vykładčyki z BDU i BDPU.
Ci była ŭ Dabratvora praca pa hetaj śpiecyjalnaści? Kaža, što tak:
«U nas kožnyja paŭhoda [navučańnia] była praktyka, i heta była praktyka va ŭsich halinach, dzie moža pracavać psichołah — škoła, dziciačy sadok, psichijatryčnaja balnica.
Kali hutaryŭ z palakami, źviarnuŭ uvahu, što polskaja psichałahičnaja adukacyja na hałavu nižejšaja, čym biełaruskaja. My vyvučali i psichaanaliz, i hieštalt-terapiju, i bichievijaryzm, to-bok roznyja padychody, vyvučali roznyja mietady ŭ toj ža sacyjalnaj psichałohii. A ŭ Polščy takoha niama, tam vyvučajuć tolki adzin padychod, zaćvierdžany Jeŭropaj ci Jeŭrakamisijaj, inšaha mierkavańnia ŭ ich być nie moža. I psichołahi z Uschodu na hałavu macniejšyja, čym tyja, chto atrymaŭ polskuju adukacyju».
Dabratvor raskazvaje pra toje, što paśla atrymańnia dypłoma pracavaŭ u škole jak sacyjalny piedahoh, potym mieŭ dva-try klijenty na hod jak psichołah. Pavodle jaho słoŭ, heta była indyvidualnaja praca i klijenty, jakich jon vioŭ šmat hadoŭ.
Apošni klijent u jaho byŭ u minułym hodzie. Praŭda, šmat papracavać ź im nie atrymałasia, bo ŭ čałavieka byŭ zanadta składany psichałahičny stan, Dabratvor parekamiendavaŭ jamu źviarnucca da psichijatra.
Kolki ž kaštujuć psichałahičnyja siesii z Dabratvoram?
«Ad 200 złotych za hadzinu (kala $55 — «NN»). Heta narmalny košt. Tannyja psichołahi kaštujuć 80‑100 złotych za hadzinu ($22‑28 — «NN»), ale ja caniu svoj prafiesijanalizm, svoj čas, i nie hatovy pracavać za 100 złotych», — kaža taksist.
Illa hatovy pracavać i ź siamiejnymi prablemami, pry hetym viadoma, što niekalki hadoŭ tamu jaho ŭłasnaja siamja razvaliłasia. Ci nie paŭpłyvaje heta na jaho mahčymuju dapamohu param?
Dabratvor upeŭnieny, što paŭpłyvaje:
«Moj dośvied — jakraz toje, što treba, bo ja ŭžo viedaju na siabie ŭsie mahčymyja akaličnaści. I siamja razvaliłasia ŭ tym liku praź nieprafiesijnych psichołahaŭ i inicyjatyvy».
«Naša Niva» — bastyjon biełaruščyny
PADTRYMAĆCiapier čytajuć
Polski dypłamat raskazaŭ, jak pryvoziŭ Kolu multfilmy na dyskach i kim dla siamji Łukašenkaŭ byŭ Makiej4
Kamientary