Byłoha kiraŭnika BRSM ź Iŭja kinuli ŭ SIZA pa palityčnym artykule i zaličyli ŭ terarysty
Siarhiej Pachomaŭ pracavaŭ u škole, uvachodziŭ u rezierv kadraŭ rajvykankama i ŭznačalvaŭ rajonny BRSM. Adnak ciapier mužčyna znachodzicca za kratami.
Siarhiej Pachomaŭ naradziŭsia ŭ 1988 hodzie ŭ Kazachstanie, ale vyras u Biełarusi. U 2013 hodzie jon skončyŭ Hrodzienski ŭniviersitet imia Janki Kupały i pajšoŭ pracavać nastaŭnikam historyi ŭ škołu ŭ Žamysłaŭli — tam, dzie staić znakamity pałac.
Małady śpiecyjalist nieŭzabavie staŭ pieršym sakratarom Iŭjeŭskaha rajonnaha kamiteta BRSM i navat trapiŭ u rezierv kirujučych kadraŭ miascovaha vykankama. U intervju dziaržaŭnaj presie jon chvaliŭ biełaruskuju stabilnaść i ładziŭ patryjatyčnyja akcyi.
Adnak paźniej žyćcio Siarhieja źmianiłasia. Paśla 2017‑ha jon pajšoŭ z adukacyi. U lutym 2025 hoda Pachomaŭ zarehistravaŭsia jak indyvidualny pradprymalnik, asnoŭnym vidam dziejnaści paznačyŭ dachavyja raboty.
Niadaŭna stała viadoma, što 37‑hadovy mužčyna znachodzicca ŭ SIZA. Jamu vystaŭlena abvinavačańnie pavodle artykuła 130 Kryminalnaha kodeksa («Raspalvańnie rasavaj, nacyjanalnaj, relihijnaj albo inšaj sacyjalnaj varožaści»). Choć prysud jašče nie vyniesieny, KDB užo ŭklučyŭ jaho u śpis «terarystaŭ».
Što mienavita stała pryčynaj kryminalnaha pieraśledu, pakul nieviadoma. Imavierna, heta kamientary ŭ telehramie ź nieabaronienaha akaŭnta.
«Naša Niva» — bastyjon biełaruščyny
PADTRYMAĆ
Kamientary
mało idieołohičieskoho zapAła okazałoś
Vy praciahvajecie ŭžyvać hetaje słova. Adnak naŭrad ci jano aznačaje toje, što vy dumajecie, što jano aznačaje.
[Zredahavana]