Biełarusaŭ papiaredzili, kab nie dasyłali markietpłejsu Ozon skany svaich pašpartoŭ
Nacyjanalny centr abarony piersanalnych danych Biełarusi paviedamlaje, što ludzi pačali źviartacca ŭ jaho z pytańniami pra zbor pašpartnych danych pry zakazie tavaraŭ na rasijskim markietpejsie Ozon. Jon raić, što rabić u takim vypadku.
Pašparty patrabujucca, kali zakaz adbyvajecca z-za miežaŭ JEAES (naprykład, z Kitaja), bo heta nieabchodna dla mytnaha dekłaravańnia pakupak, niezaležna ad ich koštu.
Ale apracoŭka hetych danych u takich vypadkach padparadkoŭvajecca zakanadaŭstvu inšych krain, a nie Biełarusi. Tamu centr raić uvažliva čytać umovy damoŭ i palityku apracoŭki piersanalnych danych.
Dziaržaŭnaja ŭstanova padkreśliła: dakładna nie varta pierasyłać kopii abo skany pašpartoŭ.
Razam z tym, daśledavańnie taho, nakolki biaśpiečna zachoŭvajucca piersanalnyja danyja na Ozon, praciahvajecca, i centr abiacaje infarmavać hramadzian pra vyniki.
Na sajcie Ozon adznačajecca, što asabistyja danyja časam apracoŭvajuć jurydyčnyja asoby markietpłejsu, zarehistravanyja ŭ krainach JEAES. Akramia taho, hetyja danyja mohuć pieradavacca pry vykarystańni niekatorych servisaŭ Ozon, dla vykanańnia damoŭ abo pa patrabavańni padatkovych orhanaŭ i suda.
Kamientary