Biełaruskija pakupniki skardziacca, što ich pasyłki z rasijskaha markietpłejsu Ozon zatrymlivajucca. Kampanija abiacaje, što chutka situacyja narmalizujecca.
«Točka» raskazała, što ŭ niekatorych čytačoŭ partału dastaŭka z Ozon apošnim časam zatrymlivajecca ci pieranosicca pa niekalki razoŭ. Błohier «Kokobaj» piša, što źviazana heta z prablemami na składach kampanii.
Telehram-kanały pišuć, što hruzaviki stajać u čakańni adhruzki da piaci dzion, pakupniki admianiajuć zakazy, a pradaŭcy majuć straty. Usio heta nibyta źviazana z kadravym kryzisam u Ozon.
Baza śćviardžaje, što zatrymki dastavak źviazanyja z tym, što z 1 žniŭnia markietpłejs całkam admoviŭsia ad pasłuh aŭtsorsinhavych firmaŭ, ale składskoje kiraŭnictva nie paśpieła nabrać patrebnuju kolkaść rabotnikaŭ.
U samim ofisie kampanii infarmacyju pra prablemy na składach abvierhli, piša RBK.
«Masavych prablem na składach Ozon niama: u nas paradku 200 składoŭ, zatrymki paŭstali tolki na piaci abjektach u Maskvie i Sankt-Pieciarburhu. Tym nie mienš svoječasova klijentam u dvuch stalicach my dastaŭlajem siem ź dziesiaci zakazaŭ i nie bačym rostu admien zakazaŭ», — raspaviali ŭ pres-słužbie markietpłejsa.
Ozon abiacaje, što chutka prablema vyrašycca: dla hetaha kampanija vyvieła na pracu dadatkovych ludziej, a častku tavaraŭ pieraviezła na inšyja abjekty.
Ciapier čytajuć
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»26
Kamientary
dažie nie ponimajut, kak oni UBOHI...