Prychilnicu Łukašenki aburyli ceny na jaho partrety. Ludzi joj adkazali
U adnym z padziemnych pierachodaŭ na čyhunačnym vakzale Minska aŭtarka videa ŭ tyktoku zaŭvažyła pryłavak ź biełaruskimi suvienirami: talerkami ź dziaržaŭnym hierbam, statuetkami sa słavutaściami krainy… I partretam Łukašenki. Mienavita jahonaja cana mocna aburyła žančynu: partret acanili ŭsiaho ŭ 78 kapiejek, u toj čas jak talerki kaštujuć ad 35 rubloŭ, a statuetki — nie mienš za 20, piša BGMedia.
U kamientarach pad videa mnohija karystalniki znajšli svaje tłumačeńni, čamu partret Łukašenki tak mała kaštuje.
«Popyt stvaraje prapanovu»
Adno z tłumačeńniaŭ kamientataraŭ — na takija partrety prosta niama popytu. Ich mała chto nabyvaje, i tamu cana, adpaviedna, nizkaja.
«Heta ž nie Mona Liza!»
«Takaja kanjunktura rynku: popyt stvaraje prapanovu».
«Ja by i biaspłatna nie ŭziaŭ. Pa-pieršaje, jon nie źjaŭlajecca zakonnym prezidentam. Pa-druhoje, heta naohuł nie partret!»
«Ja naohuł ździŭlajusia, što heta chtości moža kupić».
«Jon ža nie car, kab być darahim».
«Cana apraŭdanaja»
Inšyja karystalniki ličać, što takaja cana całkam apraŭdanaja. Tłumačać jany heta roznymi pryčynami:
«Usio tamu što heta staroje fota, jakomu ŭžo 30 hod».
«Tamu što Łukašenka tańniejšy, čym papiera, na jakoj jaho nadrukavali».
«Pradukcyja musić być dastupnaja, inakš chto tady heta budzie kuplać?»
«Treba śpiašacca z kuplaj!»
Biełarusy taksama pažartavali, što taki nizki košt — heta «razavaja akcyja da Čornaj piatnicy». Maŭlaŭ, treba śpiašacca z kuplaj, pakul «partrety znoŭ nie padaraželi».
«Usim terminova kuplać! Vydać zakon u zahadnym paradku. Dla fanataŭ u kožny pakoj, u tualet i vanny, a na noč malitvu im čytać i całavać partret».
«U aŭtorak u sto razoŭ padaražeje… Tamu chutčej zakupajciesia».
«Na źnižkach. Čornaja piatnica».
Za kolki pradajuć partrety Łukašenki?
Varta adznačyć, što ŭ biełaruskich anłajn-kramach partret Łukašenki adsutničaje — jaho možna tolki razdrukavać z aficyjnaha sajta palityka. Zatoje ŭ Rasii i Armienii taki tavar pradajuć davoli aktyŭna i, jak śćviardžajuć pradaŭcy, «u najlepšaj jakaści». Ceny taksama mohuć paradavać «jabaciek».
U Rasii partret kaštuje ad 1500 da 4100 rasijskich rubloŭ (prykładna ad €15 da €43) — u zaležnaści ad pamieru i ramki. U Armienii jon pradavaŭsia ŭ rasijskaj sietcy Ozon za 12 364 dramy (kala €28), ale ciapier niedastupny dla zamovy.
Rasijskaja błohierka pafarbavała bałkon u čyrvona-zialony. U kamientaryi prybiehli žartavać biełarusy
Napiaredadni 1 vieraśnia biełaruska sprabavała zarabić na šakaładkach z cytatami Łukašenki
Ziankovič raskazaŭ, jak u SIZA pakłaŭ pad viadro hazietu z partretam Łukašenki i pisaŭ tłumačalnuju
Dziaržvydańnie razmazała pradprymalnika-łukašysta, jaki praz tyktok skardziŭsia Łukašenku na miascovyja ŭłady
U śvietłahorskich siłavikoŭ na ścianie visić sapraŭdny «ikanastas» z partretami čynoŭnikaŭ FOTAFAKT
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary
Kstati,ia tak žie nie ponimaju hietierosieksualnych mužčin-homofobov, vied́ im žie mieńšie konkuriencii