Прыхільніцу Лукашэнкі абурылі цэны на яго партрэты. Людзі ёй адказалі
У адным з падземных пераходаў на чыгуначным вакзале Мінска аўтарка відэа ў тыктоку заўважыла прылавак з беларускімі сувенірамі: талеркамі з дзяржаўным гербам, статуэткамі са славутасцямі краіны… І партрэтам Лукашэнкі. Менавіта ягоная цана моцна абурыла жанчыну: партрэт ацанілі ўсяго ў 78 капеек, у той час як талеркі каштуюць ад 35 рублёў, а статуэткі — не менш за 20, піша BGMedia.
У каментарах пад відэа многія карыстальнікі знайшлі свае тлумачэнні, чаму партрэт Лукашэнкі так мала каштуе.
«Попыт стварае прапанову»
Адно з тлумачэнняў каментатараў — на такія партрэты проста няма попыту. Іх мала хто набывае, і таму цана, адпаведна, нізкая.
«Гэта ж не Мона Ліза!»
«Такая кан’юнктура рынку: попыт стварае прапанову».
«Я бы і бясплатна не ўзяў. Па-першае, ён не з’яўляецца законным прэзідэнтам. Па-другое, гэта наогул не партрэт!»
«Я наогул здзіўляюся, што гэта хтосьці можа купіць».
«Ён жа не цар, каб быць дарагім».
«Цана апраўданая»
Іншыя карыстальнікі лічаць, што такая цана цалкам апраўданая. Тлумачаць яны гэта рознымі прычынамі:
«Усё таму што гэта старое фота, якому ўжо 30 год».
«Таму што Лукашэнка таннейшы, чым папера, на якой яго надрукавалі».
«Прадукцыя мусіць быць даступная, інакш хто тады гэта будзе купляць?»
«Трэба спяшацца з купляй!»
Беларусы таксама пажартавалі, што такі нізкі кошт — гэта «разавая акцыя да Чорнай пятніцы». Маўляў, трэба спяшацца з купляй, пакуль «партрэты зноў не падаражэлі».
«Усім тэрмінова купляць! Выдаць закон у загадным парадку. Для фанатаў у кожны пакой, у туалет і ванны, а на ноч малітву ім чытаць і цалаваць партрэт».
«У аўторак у сто разоў падаражэе… Таму хутчэй закупайцеся».
«На зніжках. Чорная пятніца».
За колькі прадаюць партрэты Лукашэнкі?
Варта адзначыць, што ў беларускіх анлайн-крамах партрэт Лукашэнкі адсутнічае — яго можна толькі раздрукаваць з афіцыйнага сайта палітыка. Затое ў Расіі і Арменіі такі тавар прадаюць даволі актыўна і, як сцвярджаюць прадаўцы, «у найлепшай якасці». Цэны таксама могуць парадаваць «ябацек».
У Расіі партрэт каштуе ад 1500 да 4100 расійскіх рублёў (прыкладна ад €15 да €43) — у залежнасці ад памеру і рамкі. У Арменіі ён прадаваўся ў расійскай сетцы Ozon за 12 364 драмы (каля €28), але цяпер недаступны для замовы.
Расійская блогерка пафарбавала балкон у чырвона-зялёны. У каментарыі прыбеглі жартаваць беларусы
Напярэдадні 1 верасня беларуска спрабавала зарабіць на шакаладках з цытатамі Лукашэнкі
Зянковіч расказаў, як у СІЗА паклаў пад вядро газету з партрэтам Лукашэнкі і пісаў тлумачальную
Дзяржвыданне размазала прадпрымальніка-лукашыста, які праз тыкток скардзіўся Лукашэнку на мясцовыя ўлады
У светлагорскіх сілавікоў на сцяне вісіць сапраўдны «іканастас» з партрэтамі чыноўнікаў ФОТАФАКТ
Першага намесніка гендырэктара «Белвеста» пасадзілі на тры з паловай гады за палітыку5
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары
Кстати,я так же не понимаю гетеросексуальных мужчин-гомофобов, ведь им же меньше конкуренции