Расійская блогерка пафарбавала балкон у чырвона-зялёны. У каментарыі прыбеглі жартаваць беларусы
«Тук-тук, хто ў церамку жыве?» — «Чык-чырык!».
Расійская блогерка Ганна Мамаева ў інстаграме падрабязна расказвае, як самастойна робіць рамонт у кватэры.
Свой балкон жанчына ўвогуле лічыць нагодай для гонару, бо шмат чаго там паспрабавала ўпершыню. Напрыклад, тынкавала сцены, залівала наліўную падлогу.
Варыянты колеру для сцен балкона былі розныя: і карычневы, і цёмна-шэры, і белы… Жанчыне хацелася чагосьці небанальнага. У нейкі момант блогерка зразумела, што душа просіць яркіх колераў, і надумала пафарбаваць балкон у чырвоны, зялёны і аранжавы адначасова.
У выніку Ганна спачатку пафарбавала сцены ў зялёны, а потым прыкладала да іх рэчы рознага колеру, каб зразумець, якое спалучэнне ёй больш за ўсё падабаецца.
Перамог чырвоны, таму гатовы балкон расіянкі атрымаўся ў колерах афіцыйнага беларускага сцяга. Відэа з ім завірусілася ў інстаграме на сотні тысяч праглядаў, а беларусы, канечне, не стрымаліся ад жартаў.
«У панядзелак дойдзе да Лукашэнкі»
«Цяпер і бульбу тут захоўваць не сорамна»
«Тук-тук, хто ў церамку жыве?» — «Чык-чырык!»
«Гэта кватэра Лукашэнкі?»
«Па каментатара ўжо выехаў чорны варанок?»
Дарэчы, Ганна плануе дадаць на балкон яшчэ стэлаж і нейкую карціну. На рэндары можна пабачыць партрэт Леніна.
Цяпер чытаюць
У Мінску масажыст Андрэй таемна здымаў голых кліентак5
Каментары