Rasijskaja błohierka pafarbavała bałkon u čyrvona-zialony. U kamientaryi prybiehli žartavać biełarusy
«Tuk-tuk, chto ŭ cieramku žyvie?» — «Čyk-čyryk!».
Rasijskaja błohierka Hanna Mamajeva ŭ instahramie padrabiazna raspaviadaje, jak samastojna robić ramont u kvatery.
Svoj bałkon žančyna ŭvohule ličyć nahodaj dla honaru, bo šmat čaho tam pasprabavała ŭpieršyniu. Naprykład, tynkavała ścieny, zalivała naliŭnuju padłohu.
Varyjanty koleru dla ścien bałkona byli roznyja: i karyčnievy, i ciomna-šery, i bieły… Žančynie chaciełasia čahości niebanalnaha. U niejki momant błohierka zrazumieła, što duša prosić jarkich koleraŭ, i nadumała pafarbavać bałkon u čyrvony, zialony i aranžavy adnačasova.
U vyniku Hanna spačatku pafarbavała ścieny ŭ zialony, a potym prykładała da ich rečy roznaha koleru, kab zrazumieć, jakoje spałučeńnie joj bolš za ŭsio padabajecca.
Pieramoh čyrvony, tamu hatovy bałkon rasijanki atrymaŭsia ŭ kolerach aficyjnaha biełaruskaha ściaha. Videa ź im zavirusiłasia ŭ instahramie na sotni tysiač prahladaŭ, a biełarusy, kaniečnie, nie strymalisia ad žartaŭ.
«U paniadziełak dojdzie da Łukašenki»
«Ciapier i bulbu tut zachoŭvać nie soramna»
«Tuk-tuk, chto ŭ cieramku žyvie?» — «Čyk-čyryk!»
«Heta kvatera Łukašenki?»
«Pa kamientatara ŭžo vyjechaŭ čorny varanok?»
Darečy, Hanna płanuje dadać na bałkon jašče stełaž i niejkuju karcinu. Na rendary možna pabačyć partret Lenina.
Kamientary