Žonka Ihara Tura pakazała interjery siamiejnaha doma kala Astrašyckaha Haradka FOTY
Na meblu hrošaj nie paškadavali.
Sioleta Ihar Tur razam z žonkaj Ksienijaj pierasialiŭsia z kvatery va ŭłasny dom. Dziela hetaha jahonaj padčarcy Julijanie navat pryjšłosia źmianić staličnuju himnaziju №15 na škołu ŭ Astrašyckim Haradku. Ciapier dziaŭčynka vučycca ŭ adnym kłasie z małodšym synam prydvornaha kampazitara Jaŭhiena Alejnika.
Žonka Tura pachvaliłasia ŭ instahramie tym, jak jany abstalavali dziciačy pakoj. Dziaciej vyrašyli pasialić razam — treciakłaśnica Julijana žyvie razam z dvuchhadovym bratam Alaksandram (heta ahulny syn Ksienii i Ihara).
Interjer zrabili sučasny i davoli łakaničny. Dziciačy pakoj u spakojnych šera-bežavych kolerach. Łožak dvuchjarusny: vierchni jarus maje aharodžu ź viertykalnych pałačak z šarykami, nižni taksama maje abarončuju płanku, kab dzicia nie skaciłasia ŭ śnie.
Uzdoŭž ściany raźmiaścili jomistuju šafu z hładkimi fasadami i kruhłymi ručkami. Dla dziaŭčynki-školnicy zrabili pracoŭnuju zonu sa stałom i erhanamičnym kresłam. Na palicach možna pabačyć nie tolki fota, ale i ikonki. A voś zdymkaŭ Alaksandra Łukašenki ŭ interjerach nie vidać.
Dla Alaksandra, jaki tolki pačaŭ chadzić u dziciačy sadok, praduhledzieli nievialiki stolik i kresła z vuškami jak u zajčyka (vyjava zajčyka jość i na adnoj sa ścien).
Vielizarnaje akno daje šmat śviatła, a dyvanok ź miadźviedzikam dadaje ŭtulnaści.
Na meblu ŭ dziciačy pakoj Ihar Tur patraciŭ bolš za 4500 dalaraŭ. Ksienija vynikam vielmi zadavolenaja.
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»5
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary
[Zredahavana]