Prapahandyst Ihar Tur pachvaliŭsia, jak pa ŭkazie Łukašenki kosić svoj učastak piaty raz za hod
«Dziŭna kuplać učastak, kali hultaj», — kaža Tur, jaki niadaŭna pierajechaŭ u pryvatny dom.
Z maja ŭ Biełarusi ŭstupili ŭ siłu novyja praviły nakont pakosu travy i dohladu prylehłych terytoryj. Ułaśnikaŭ ziamielnych učastkaŭ abaviazali skošvać travu, kali jaje vyšynia pieravyšaje 20 santymietraŭ. Inakš možna atrymać štraf da 25 bazavych (heta da 1050 rubloŭ).
Prapahandyst Ihar Tur pachvaliŭsia ŭ svaim telehram-kanale, što ŭžo piaty raz za siezon kosić učastak. I dadaŭ, što pravilna Łukašenka zrabiŭ, što ŭvioŭ hetyja praviły.
«Heta ž estetyka! Dy i dziŭna, što kahości treba na svaim ža ŭčastku prymušać pracavać — dziŭna kuplać učastak, kali hultaj.
Piensijaniery i tyja, kamu abjektyŭna składana — asobnaja razmova. Ale jość ža dzieci i ŭnuki, u inšym vypadku — pavinna dapamahać dziaržava».
Nahadajem, niadaŭna siamja Ihara Tura pierajechała ŭ pryvatny domie bližej da Astrašyckaha Haradka. Na premijalnuju kuchniu ŭ svaim domie prapahandyst patraciŭ kala 30 tysiač rubloŭ.
Kamientary
połučił siebie značiok
i k niemu žie mnie prišłoś
zapłatiť nałoh