Прапагандыст Ігар Тур пахваліўся, як па ўказе Лукашэнкі косіць свой участак пяты раз за год
«Дзіўна купляць участак, калі гультай», — кажа Тур, які нядаўна пераехаў у прыватны дом.
З мая ў Беларусі ўступілі ў сілу новыя правілы наконт пакосу травы і догляду прылеглых тэрыторый. Уласнікаў зямельных участкаў абавязалі скошваць траву, калі яе вышыня перавышае 20 сантыметраў. Інакш можна атрымаць штраф да 25 базавых (гэта да 1050 рублёў).
Прапагандыст Ігар Тур пахваліўся ў сваім тэлеграм-канале, што ўжо пяты раз за сезон косіць участак. І дадаў, што правільна Лукашэнка зрабіў, што ўвёў гэтыя правілы.
«Гэта ж эстэтыка! Ды і дзіўна, што кагосьці трэба на сваім жа ўчастку прымушаць працаваць — дзіўна купляць участак, калі гультай.
Пенсіянеры і тыя, каму аб'ектыўна складана — асобная размова. Але ёсць жа дзеці і ўнукі, у іншым выпадку — павінна дапамагаць дзяржава».
Нагадаем, нядаўна сям'я Ігара Тура пераехала ў прыватны доме бліжэй да Астрашыцкага Гарадка. На прэміяльную кухню ў сваім доме прапагандыст патраціў каля 30 тысяч рублёў.
Арыштаваны дырэктар Палаца Рэспублікі, адзін з арганізатараў Марафона адзінства9
Каментары
получил себе значёк
и к нему же мне пришлось
заплатить налог