Ihar Tur patraciŭ minimum 30 tysiač na premijalnuju kuchniu FOTA

Biełaruski zborščyk kuchniaŭ Kuhni Cherry apublikavaŭ rekłamny ahlad adnoj sa svaich zroblenych zamovaŭ, na jakim možna biespamyłkova paznać Ihara Tura ź jahonaj žonkaj Ksienijaj Šynhirej. 

Para staić abniaŭšysia na novaj kuchni ŭ novym domie, praz vokny možna razhledzieć novyja pryvatnyja damy susiedziaŭ. Sprava adbyvajecca ŭ vakolicach Astrašyckaha Haradka, kudy siamja źbirałasia pierabracca bližej da rezidencyi svajho pracadaŭcy. 

Čytajcie taksama: Jak prapahandyst Ihar Tur staŭ lubimčykam Łukašenki i kolki zarabiŭ u 2020-m

Udvaich jany chvalać apieratyŭnaść i prafiesijanalizm padradčykaŭ. 

Pavialičyć

Ksienija nie chavaje zachapleńnia. Ciopła ŭjaŭlaje, jak razdolna budzie na takoj kuchni dzieciam, jak rady jany ŭsie buduć źbiracca za adnym vialikim stałom na fonie pryhožaj i darahoj mebli.

U Ksienii — rabotnicy infarmacyjnaha ŭpraŭleńnia MNS — jość dačka ad inšaha mužčyny, a taksama sumiesny syn z Turam. 

Jaje ciapierašni muž pryznajecca, što žonka nie ŭdzielničała ŭ abstaŭleńni kuchni: «Dla mianie jak dla čałavieka, jaki zajmaŭsia finansavańniem usiaho hetaha pytańnia […]», — kaža Ihar Tur, chvalačy vytvorcu. 

Pavialičyć

Kab zrazumieć canu pytańnia, adzin z čytačoŭ «Našaj Nivy» pacikaviŭsia ŭ vyrabnika, kolki kaštuje takaja samaja kuchnia, jak na videa.

«Časam vizualna padobnyja prajekty mohuć adroźnivacca pa košcie ŭ razy. U hetym vypadku zamoŭca zrabiŭ vybar na karyść materyjałaŭ i furnitury premijalnaha siehmienta. […] Košt prajekta pad kluč skłaŭ 23 018 biełaruskich rubloŭ», — adkazali ŭ kampanii. 

Havorka idzie tolki pra sam kuchonny harnitur, biez uliku techniki i materyjałaŭ unutranaha dekoru pamiaškańnia. 

Svoj premijalny harnitur siamja dapoŭniła i nieabchodnaj technikaj: čornym dvuchdźviernym chaładzilnikam Techno, cana na jaki ŭ Biełarusi pačynajecca ad 3200 rubloŭ, a taksama ŭmantavanaj duchavoj šafaj i mikrachvaloŭkaj Haier, jakija razam taksama kaštujuć kala 3000 rubloŭ. 

Pavialičyć

Takim čynam, kali ŭličyć i inšyja patrebnyja i nie vielmi techničnyja rečy, jakija bačnyja na kuchni Turaŭ, možna kanstatavać, što pryviadzieńnie 20 kvadratnych mietraŭ kuchni ŭ pažadany vyhlad kaštavała prapahandystu nie mienš jak 30 tysiač biełaruskich rubloŭ. 

Na hety momant na sajcie ANT pradstaŭlena tolki čatyry vakansii, u jakich maje patrebu kanał. 

Tak, inžynieru videamantaža abiacajuć čystymi 1350‑2100 rubloŭ, rabočamu pa kompleksnym absłuhoŭvańni budynka — 1300‑1350 rubloŭ, śpiecyjalistu pa zakupkach — 1950‑2100 rubloŭ, prybiralščyku — 700‑750 rubloŭ na miesiac.

• 2
• 5
• 6
• 7
• 0
• 0
• 17
• 0